టాలీవుడ్ మోస్ట్ స్వీట్ కపుల్ సమంత- నాగ చైతన్య తమ వివాహ బంధానికి ఫుల్‌స్టాప్ పెడుతూ ఎప్పుడైతే విడాకుల ప్రకటన చేశారో అప్పటినుంచి వీరిద్దరి వ్యక్తిగత విషయాలపై ఎన్నో రూమర్స్ బయటకొచ్చాయి. అక్కినేని ఫ్యామిలీ కండీషన్స్, సమంత బిహేవియర్ అంటూ బోలెడన్ని పుకార్లు షికారు చేశాయి. అయితే ఇటు సమంత గానీ, అటు అక్కినేని ఫ్యామిలీ గానీ వీటన్నింటీ పెద్దగా పట్టించుకోలేదు. దీంతో పెద్దఎత్తున గాసిప్స్ హవా నడిచింది.
ఈ క్రమంలోనే తాజాగా నాగ చైతన్య రెండో పెళ్లి అంటూ మరో వార్త బయటకు రావడం జనాల్లో హాట్ టాపిక్ అయింది. విడాకుల ప్రకటన తర్వాత సినిమాలతో బిజీ అయిన నాగ చైతన్య రెండో పెళ్ళికి సిద్ధమయ్యారని, ఈ మేరకు లోలోపల అక్కినేని ఫ్యామిలీ ఏర్పాట్లు కూడా చేస్తున్నారనే టాక్ బయటకొచ్చింది. అది కూడా ఓ యంగ్ హీరోయిన్‌తో చైతూ పెళ్లి జరగనుందంటూ వార్తలు వైరల్ అవుతుండటం చర్చనీయాంశంగా మారింది. అయితే సదరు హీరోయిన్ ఎవరనే దానిపై క్లారిటీ లేదు కానీ ప్రచారం మాత్రం ఊపందుకుంది.
గతేడాది అక్టోబర్ నెలలో అక్కినేని సమంత, నాగ చైతన్య విడిపోతున్నట్లు అధికారిక ప్రకటన చేశారు. అప్పటినుంచి వేరువేరుగా ఉంటూ తమ తమ ప్రొఫెషనల్ లైఫ్ లీడ్ చేస్తున్నారు. అటు సమంత వరుస సినిమాలకు కమిటవుతుంటే ఇటు నాగ చైతన్య తన ప్రాజెక్టులతో బిజీ బిజీగా ఉన్నారు. ఈ పరిస్థితుల నడుమ మళ్ళీ నాగ చైతన్య రెండో పెళ్లి అనే టాపిక్ జనాల్లో హాట్ ఇష్యూ అయింది. సో.. చూడాలి మరి దీనిపై అయినా అక్కినేని ఫ్యామిలీ రియాక్ట్ అవుతుందా లేక లైట్ తీసుకొని వదిలేస్తారా అనేది.
