నందమూరి బాలకృష్ణ, దర్శకుడు బాబీ కాంబినేషన్‌ లో ఒక మూవీ రాబోతున్న సంగతి తెలిసిందే. ప్రస్తుతం ఈ మూవీ చిత్రీకరణ హైదరాబాద్‌ లో జరుగుతుంది . ఐతే, లేటెస్ట్ బజ్ ప్రకారం, వచ్చే షెడ్యూల్ లో ఈ మూవీ ఇంటర్వెల్ సీక్వెన్స్ ప్లాన్ చేస్తున్నారట. ఈ సీక్వెన్స్ కోసం ప్రత్యేకంగా ఒక భారీ టెంపుల్ సెట్ వేస్తున్నట్లు తెలుస్తుంది . ఈ సీక్వెన్స్ ఈ మూవీ మొత్తానికే కాకుండా, బాలయ్య సినీ కెరీర్ లోనే హైలెట్ గా నిలిచిపోతుందని, బాలయ్య ఫ్యాన్స్ కోసం స్పెషల్ గా ఈ సీక్వెన్స్ ని డిజైన్ చేశారని టాక్ నడుస్తోంది.
మరి ఈ వార్త నిజమైతే, బాలయ్య అభిమానులకి ఈ మూవీ ఎప్పటికీ స్పెషల్ గా నిలిచిపోతుంది. కాగా ఈ మూవీ లో ఊర్వశి రౌటేలా, బాబీ డియోల్, చాందిని చౌదరి మరియు ఇతరులు ముఖ్యమైన పాత్రల్లో నటిస్తున్నారు. ఇక ఈ మూవీ లోని యాక్షన్ విజువల్స్ కూడా వండర్ ఫుల్ గా ఉంటాయట. ముఖ్యంగా బాలయ్య గెటప్ అండ్ సెటప్ చాలా థ్రిల్లింగ్ గా ఉంటుందట సితార ఎంటర్‌టైన్‌మెంట్స్‌ పతాకంపై నాగ వంశీ, ఫార్చూన్‌ఫోర్ మూవీ పై సాయి సౌజన్య నిర్మిస్తున్న ఈ మూవీ కి థమన్ సంగీతం అందిస్తున్నారు.
