హీరోయిన్‌ నందిత శ్వేత ఇంట తీవ్ర విషాదం నెలకొంది. ఆమె తండ్రి శివస్వామి ఆదివారం ఉదయం కన్నుమూశారు. ఈ విషయాన్ని ట్విటర్‌ ద్వారా అభిమానులు, శ్రేయోభిలాషులకు తెలియజేస్తూ.. ‘నా తండ్రి శివస్వామి 54 ఏళ్ల వయస్సులో కన్నుమూశారు. ఆయన ఆత్మకు శాంతి కలగాలని కోరుకుంటున్నాను’ అని పోస్ట్‌ చేసింది.
ఇక నందిత తండ్రి చనిపోయారన్న విషయం తెలిసి పలువురు సినీ ప్రముఖులు, నెటిజన్లు ఆమెకు సంతాపం తెలియజేస్తున్నారు. కాగా ‘నంద లవ్స్ నందిత’ అనే కన్నడ చిత్రంతో వెండితెరపై ఎంట్రీ ఇచ్చిన నందిత హీరో నిఖిల్‌తో ‘ఎక్కడికి పోతావు చిన్నవాడా’ చిత్రంలో నటించి తెలుగులో మంచి గుర్తింపు సంపాదించుకుంది. ప్రస్తుతం తెలుగు, తమిళ భాషల్లో నటిస్తుంది.