సినిమా పేరుని తన ఇంటి పేరుగా మార్చుకున్న నటుడు ‘అల్లరి’ నరేశ్. ‘అల్లరి’ ఫిల్మ్ తోనే తన సినీ కెరీర్ స్టార్ట్ కాగా, అలా కామెడీ సినిమాలకు కేరాఫ్ అడ్రస్ గా కొన్నాళ్ల పాటు అల్లరి నరేశ్ ఉండిపోయాడు . అలా సినిమా లు చేసుకుంటూ సక్సెస్ అందుకుని కొంత కాలం పాటు ముందుకెళ్లిన నరేశ్..ఒకానొక దశలో ఇక విజయం అనేది లేక సతమతమైపోయారు .
వరుస సినిమాలు బాక్సాఫీసు వద్ద అనుకున్న స్థాయిలో ఆడలేకపోతున్న క్రమంలో నరేశ్ తన పంథా మార్చుకున్నాడు . ఇక ఇప్పుడు హీరో అల్లరి నరేష్ వరుస సినిమాలతో దూసుకెళ్తున్నారు. ఇప్పటికే “ఉగ్రం”, “ఇట్లు మారేడుమిల్లి ప్రజానీకం” సినిమాలతో హిట్స్ కొట్టారు. తాజాగా డైరెక్టర్ సుబ్బు మంగాదేవి దర్శకత్వంలో తెరకెక్కుతున్న #NARESH63 నుంచి అప్డేట్ వచ్చేసింది. ఈ సినిమా టైటిల్ ను “బచ్చలమల్లి”గా ఫిక్స్ చేసినట్లు మేకర్స్ పోస్టర్ ని రిలీజ్ చేశారు. విశాల్ చంద్రశేఖర్ ఈ సినిమా కి మ్యూజిక్ అందించనున్నారు.
