Posted [relativedate] at [relativetime time_format=”H:i”]
పవన్‌ కళ్యాణ్‌ స్థాపించిన జనసేన పార్టీకి మద్దతుగా మెగా ఫ్యామిలీ రంగంలోకి దిగేందుకు సిద్దం అవుతుంది. ఇప్పటికే రామ్‌ చరణ్‌ మరియు సాయి ధరమ్‌ తేజ్‌లు జనసేన కోసం ఏం చేసేందుకు అయినా సిద్దం అంటూ ప్రకటించిన విషయం తెల్సిందే. తాజాగా అల్లు అర్జున్‌ కూడా పవన్‌కు మద్దతుగా ఉంటానంటూ ఒక పోస్ట్‌ను సోషల్‌ మీడియాలో పోస్ట్‌ చేయడం జరిగింది. ఇది వరకే అల్లు అరవింద్‌ జనసేన పార్టీకి మద్దతుగా మాట్లాడి ప్రజారాజ్యం విషయంలో జరిగినట్లుగా జరగనివ్వం అంటూ క్లారిటీ ఇచ్చాడు. మొత్తానికి మెగా ఫ్యామిలీ అంతా కూడా జనసేనకు మద్దతుగా నిలవడం ఖాయం అంటూ తేలిపోయింది.
2019 ఎన్నికల్లో ఏపీలో జనసేన పార్టీ క్రియాశీలకంగా వ్యవహరించడం ఖాయం అని ఇప్పటికే క్లారిటీ వచ్చేసింది. తప్పకుండా ‘జనసేన’ పార్టీ ప్రజల్లో నమ్మకంను కలిగి ఉందని, ఎన్నికల్లో మంచి సీట్లు ఇచ్చి తీరుతారనే నమ్మకంను వ్యక్తం చేస్తున్నారు. పవన్‌ కళ్యాణ్‌కు మద్దతుగా ఎన్నికల ముందు మెగా హీరోలు అంతా కూడా ప్రచారం చేస్తే తప్పకుండా పార్టీకి బలం చేకూరినట్లు అవుతుంది. అయితే పవన్‌ కళ్యాణ్‌ మాత్రం తాను కుటుంబం నుండి ఎవరిని ప్రచారంకు ఆహ్వానించను అని, వారు వస్తాను అంటూ నో చెప్పను అంటూ పవన్‌ ఇటీవలే ప్రకటించాడు. నాగబాబు, రామ్‌ చరణ్‌, అల్లు అర్జున్‌లతో పాటు పలువురు మెగా హీరోలు కూడా జనసేనకు జై అనేశారు. ఇక మిగిలింది చిరంజీవి మాత్రమే అంటూ సినీ వర్గాల్లో చర్చ జరుగుతుంది. మొన్నటి వరకు కాంగ్రెస్‌లో ఉన్న చిరంజీవి ప్రస్తుతం రాజకీయాలకు దూరంగా ఉంటున్నాడు. అందుకే ఆయన జనసేనకు జై అనక పోవచ్చు. అయితే తమ్ముడు పవన్‌కు మాత్రం పూర్తి మద్దతుగా నిలుస్తాడనే నమ్మకం మెగా ఫ్యాన్స్‌లో వ్యక్తం అవుతుంది.
