మెగాస్టార్ చిరంజీవి చిరు లీక్స్ పేరుతో ఆయన సినిమాల గురించి అప్పుడప్పుడు ఆయనే లీక్స్ ఇస్తుండే వారు. ఇప్పుడు ఆ జాబితాలో ఐకాన్ స్టార్ అల్లు అర్జున్ చేరిపోయాడు. బన్నీ లీక్స్ ఇప్పుడు నెట్టింట తెగ వైరల్ అవుతున్నాయి. హైదరాబాద్‌లో గురువారం జరిగిన బేబీ సినిమా అభినందన సభకు ముఖ్య అతిధిగా బన్నీవెళ్లాడు .
ఆ సినిమా సభ్యులను ప్రశంసలతో ముంచెత్తాడు. ఈ క్రమంలోనే తన అప్కమింగ్ మూవీ ‘పుష్ప- ద రూల్స్’లోని ఓ ఐకానిక్ డైలాగ్ను చెప్పి అభిమానులకు సర్ప్రైజ్ ఇచ్చాడు. “ఈడంతా ఒకటే రూల్‌ మీద జరుగుతుండాది. పుష్ప గాడి రూలు” అంటూ అభిమానుల్లో ఉత్సాహాన్ని నింపారు.“సినిమాలు చూసి లేకుంటే.. స్క్రీన్‌ప్లే పుస్తకాలు చదివి రాస్తే వచ్చేది కాదు. జీవితాన్ని స్వయంగా చూసి.. రాస్తేనే అలాంటి చిత్రాలొస్తాయి.
అలాంటి ‘బేబీ’ని తీసుకొచ్చిన దర్శకుడు సాయి రాజేష్‌కు కృతజ్ఞతలు. ఆనంద్‌ లేకపోతే ఈ చిత్రం ఇలా వచ్చేది కాదేమో. విరాజ్‌ చాలా క్యూట్‌గా కనిపించాడు. అప్పుడప్పుడు నాకు అనిపిస్తూ ఉంటుంది . తమిళంలో నుండి హీరోయిన్లు వస్తారు .కన్నడ లో నుండి హీరోయిన్లు వస్తారు. కానీ తెలుగులో తెలుగు హీరోయిన్ లు పెద్దగా కనిపించడం లేదని ఒక్కటే గెల్టీగా అనిపించింది . ఇప్పుడు ఆ బాధ తీర్చడానికి శ్రీలీల, ‘బేబీ’తో వైష్ణవి వచ్చాక తెలుగుమ్మాయిలకు సమాయంతో వచ్చిందనిపించింది. ” అని అల్లు అర్జున్ అన్నారు.
