ఎప్పుడెప్పుడా అని ఎదురుచూస్తున్న మ్యాన్ ఆఫ్ మాసెస్ జూ.ఎన్టీఆర్ లేటెస్ట్ సినిమా ‘దేవర’ నుంచి దావూదీ సాంగ్ ఎట్టకేలకి రిలీజ్ అయ్యింది. దర్శకుడు కొరటాల శివ తెరకెక్కిస్తున్న ఈ యాక్షన్ ఎంటర్‌టైనర్ సినిమా లో ‘దావూదీ’ సాంగ్‌తో ఎన్టీఆర్ డ్యాన్స్ తో విశ్వరూపం చూపించబోతున్నాడని చిత్ర యూనిట్ గతకొద్ది రోజులుగా హైప్ క్రియేట్ చేస్తూ వచ్చింది. తాజాగా ఈ పాటకి సంబంధించిన వీడియో సాంగ్‌ని మేకర్స్ రిలీజ్ చేశారు.
రామజోగయ్య శాస్త్రి రచించిన ఈ డ్యుయెట్ సాంగ్‌లో తారక్ తన డైనమిక్ లుక్స్‌తో ఫ్యాన్స్‌ను ఆకట్టుకున్నాడు. ఇక అందాల భామ జాన్వీ కపూర్ కూడా ఈ పాటలో అదరహో అనపించేలా ఉన్నది . అనిరుధ్ రవిచందర్ కంపోజ్ చేసిన మాస్ బీట్స్.. దానికి తగ్గట్టుగా ఎన్టీఆర్, జాన్వీ కలిసి చేసిన డ్యాన్స్‌తో ఈ పాట రాకింగ్‌గా అనిపిస్తుంది. విజువల్‌గా ఈ పాట బాగా అదిరిపోయిందని అభిమానులు చెబుతున్నారు
మొత్తంగా ‘దావూదీ’ సాంగ్‌తో తారక్ ఈ మూవీ పై అంచనాలని మరింత పీక్స్‌కి తీసుకెళ్లాడని నెట్టింట కామెంట్స్ చేస్తున్నారు. ఈ మూవీ ను ఎన్టీఆర్ ఆర్ట్స్, యువసుధ ఆర్ట్స్ బ్యానర్లు సంయుక్తంగా ప్రొడ్యూస్ చేస్తున్నాయి. సెప్టెంబర్ 27న వరల్డ్‌వైడ్‌గా ‘దేవర’ మూవీ గ్రాండ్ రిలీజ్‌కు రెడీ అవుతోంది.
