ఐకాన్ స్టార్ అల్లు అర్జున్ హీరోగా రష్మికా మందన్నా హీరోయిన్ గా నటించిన లేటెస్ట్ భారీ పాన్ ఇండియా హిట్ సినిమా “పుష్ప 2 ది రూల్” కోసం అందరికీ తెలిసిందే. మరి హిందీ మార్కెట్ లో సరికొత్త లెక్కలు చూపించిన ఈ మూవీ సెన్సేషన్ ఇప్పటికీ కొనసాగుతుంది. ఈ నేపథ్యంలో ఈ మూవీ తాలూకా ఒరిజినల్ సౌండ్ ట్రాక్ లు బయటకి రావడం జరిగింది. సంగీత దర్శకుడు దేవిశ్రీ ప్రసాద్ ఇచ్చిన సాలిడ్ ట్యూన్స్ ఆల్రెడీ సోషల్ మీడియాలో రూల్ చేస్తున్నాయి.
అయితే ఈ మూవీ కి దేవిశ్రీ ప్రసాద్ మాత్రమే కాకుండా కోలీవుడ్ ప్రముఖ సంగీత దర్శకుడు సామ్ సి ఎస్ కూడా వర్క్ చేసాడు. అయితే మూవీ లో ఎవరెవరు ఏ స్కోర్ అందించారు అనేది ఇపుడు తేటతెల్లం కానుంది అని చెప్పాలి. రీసెంట్ గానే దేవిశ్రీ ప్రసాద్ ట్యూన్స్ వస్తే సామ్ సి ఎస్ కూడా ఇపుడు తన వెర్షన్ పుష్ప 2 ఒరిజినల్ సౌండ్ ట్రాక్ ను వదలబోతున్నట్టుగా కన్ఫర్మ్ చేసాడు. దీనితో పుష్ప 2 లో ఎవరెవరు ఏ బ్యాక్గ్రౌండ్ స్కోర్ ఇచ్చారు అనేది ఒక కొలిక్కి రానుంది అని చెప్పొచ్చు . ఇక ఈ ఓఎస్టి ఎప్పుడు వస్తుంది అనేది డేట్ ఇంకా కన్ఫర్మ్ కావాల్సి ఉన్నది .
