1978లో వచ్చిన ‘శివరంజని’ మూవీ తన మనసుకు ఎంతో దగ్గరైన చిత్రమని మోహన్ బాబు తెలిపారు. తన గురువు దాసరి నారాయణరావు ఈ సినిమా కి దర్శకత్వం వహించారని చెప్పారు. ఇప్పటికీ ఈ మూవీ శక్తివంతమైన భావోద్వేగాలను రేకెత్తిస్తూనే ఉంటుందని అన్నారు. ఎక్స్ వేదికగా ఆయన ఈ విషయాన్ని తెలిపారు.
ఈ సినిమా బ్లాక్ బస్టర్ విజయాన్ని అందుకుందని…. దాదాపు ఏడాది పాటు థియేటర్లలో ఆడిందని మోహన్ బాబు చెప్పారు. ఈ మూవీ లో డైలాగ్స్ కూడా ఐకానిక్ గా ఉంటాయని తెలిపారు. తెలుగు సినిమా సీమలో ఈ మూవీ ఒక క్లాసిక్ సినిమా గా నిలిచిపోయిందని చెప్పారు. ఈ సినిమా లో జయసుధ ప్రధాన పాత్రలో నటించారు. హరిప్రసాద్, మోహన్ బాబు, నిర్మలమ్మ కీలక పాత్రలను పోషించారు
