Posted [relativedate] at [relativetime time_format=”H:i”]
తెలుగు సినిమా స్థాయిని పెంచిన చిత్రం ‘బాహుబలి’. రాజమౌళి దర్శకత్వంలో రూపొందిన ఈ చిత్రం బాలీవుడ్‌ సినిమా స్థాయిని క్రాస్‌ చేసి ఒక హాలీవుడ్‌ సినిమా రేంజ్‌లో వసూళ్లు సాధించింది. ఇంతటి భారీ వసూళ్లు సాధించిన చిత్రంను తెలుగు సినిమా చరిత్రలో నిలిచి పోయేలా దర్శకుడు జక్కన్న తెరకెక్కించాడు. అలాంటి బాహుబలికి ప్రీక్వెల్‌ అంటూ చిత్ర నిర్మాణ సంస్థ ఆర్కా మీడియా ప్రకటించడంతో ప్రస్తుతం అందరి దృష్టి ఈ చిత్రంపై ఉంది. అయితే షాకింగ్‌గా బాహుబలి ప్రీక్వెల్‌కు జక్కన్నకు సంబంధం లేదని నిర్మాతలు ప్రకటించడంతో అంతా షాక్‌ అవుతున్నారు.
‘బాహుబలి’ చిత్రంకు ప్రీక్వెల్‌ అనగానే జక్కన్న తీస్తే బాగుంటుందని, అందులో ప్రభాస్‌ చేస్తే ఇంకా బాగుంటుందని ఫ్యాన్స్‌ భావించారు. అయితే ప్రీక్వెల్‌ అనేది ఒక సినిమా కాదని, వెబ్‌ సిరీస్‌గా ప్రీక్వెల్‌ను తీస్తున్నట్లుగా ఆర్కా మీడియా ప్రకటించింది. త్వరలోనే ప్రీక్వెల్‌కు సంబంధించిన వర్క్‌ను మొదులు పెట్టబోతున్నారు. బాహుబలి వంటి ప్రతిష్టాత్మక సినిమాపై ప్రయోగాలు చేయడం అంత మంచిది కాదని, ఒక గొప్ప సినిమాకు ప్రీ క్వెల్‌ అంటూ పిచ్చి ప్రయత్నాలు చేస్తే సినిమా ప్రతిష్ట దెబ్బ తింటుందనే ఆగ్రహంను వ్యక్తం చేశారు. భారీ స్థాయిలో విజయాన్ని సొంతం చేసుకున్న బాహుబలి ప్రీక్వెల్‌ సక్సెస్‌ కాకుంటే పరువు పోతుందనే అభిప్రాయం వ్యక్తం అవుతుంది. అంతా కొత్త వారితో బాహుబలి ప్రీక్వెల్‌ తెరకెక్కబోతుంది.
