ప్రస్తుతం నందమూరి నటసింహం బాలకృష్ణ హీరోగా తన 109వ మూవీ చేస్త్తూ బిజీగా ఉన్న సంగతి అందరికి తెలిసిందే. అలాగే ఈ మూవీ సహా బాలయ్య తన సెన్సేషనల్ హిట్ టాక్ షో అన్ స్టాప్పబుల్ సీజన్ 4 కూడా స్టార్ట్ చేసిన సంగతి అందరికి తెలిసిందే. అయితే ఈసారి కూడ అనేకమంది స్టార్స్ వస్తుండగా ఈ సీజన్లో ఐకాన్ స్టార్ అల్లు అర్జున్ పై కూడా ఒక సాలిడ్ ఎపిసోడ్ ఉందని తెలిసిందే.
అయితే ఇది కూడా ఎంతో రసవత్తరంగా మారగా ఈ అవైటెడ్ ఎపిసోడ్ పై లేటెస్ట్ సమాచారం ఇప్పుడు వినిపిస్తుంది. దీని ప్రకారం ఈ ఎపిసోడ్ ను ఆహా వారు ఈ నవంబర్ 15 కి లాక్ చేసినట్టుగా తెలుస్తుంది. ఆల్రెడీ ఈ ఎపిసోడ్ షూటింగ్ కంప్లీట్ చేసుకోగా ఫైనల్ గా ఈ ఎపిసోడ్ కోసం అభిమానులు ఏంటో ఆసక్తిగా ఎదురు చూస్తున్నారు. అలాగే దీనిపై అధికారిక క్లారిటీ కూడా త్వరలోనే రానుంది. ఇక అల్లు అర్జున్ మరోపక్క పుష్ప 2 తో బిజీగా ఉండగా ఆ ప్రమోషన్స్ లో తాను ఈ షోకి హాజరయ్యారు .
