నందమూరి బాలకృష్ణ (Balakrishna) కుటుంబ సభ్యులు ఎప్పుడూ మీడియాకు దూరంగానే ఉంటారు. ఆయన పెద్ద కుమార్తె బ్రాహ్మణి నారా లోకేష్ను వివాహం చేసుకోగా, చిన్న కుమార్తె తేజస్విని భరత్ను పెళ్లి చేసుకుంది. సాధారణంగా లో-ప్రొఫైల్లోనే కనిపించే తేజస్విని తాజాగా చేసిన ఓ డాన్స్ వీడియో సోషల్ మీడియాలో వైరల్గా మారింది.
ఇన్స్టాగ్రామ్, ఎక్స్ వంటి సోషల్ మీడియా వేదికల్లో వైరల్ అవుతున్న ఈ వీడియోలో తేజస్విని ఎనర్జీ, స్టైల్, కాన్ఫిడెన్స్ నెటిజన్లను ఆకట్టుకుంటున్నాయి. ఇప్పటివరకు ఆమెను ఇలాంటి డాన్స్ మూడ్లో చూడని అభిమానులు ఇది నిజంగా స్వీట్ సర్ప్రైజ్ అంటూ కామెంట్స్ చేస్తున్నారు. నందమూరి అభిమానులతో పాటు సినీ ప్రియులు కూడా ఈ వీడియోను భారీగా షేర్ చేస్తున్నారు.
ఇదిలా ఉంటే, గత కొంతకాలంగా తేజస్విని సినిమా రంగంపై ఆసక్తి చూపుతున్నట్లు వార్తలు వినిపిస్తున్నాయి. బాలకృష్ణ సినిమాలకు సంబంధించిన స్క్రిప్ట్ చర్చలు, ప్రొడక్షన్ పనుల్లో ఆమె భాగస్వామ్యం అవుతున్నట్లు టాక్. అంతేకాదు, మేకింగ్ ప్రాసెస్ను దగ్గరగా తెలుసుకునేందుకు ఇతర సినిమాల షూటింగ్ సెట్లను కూడా సందర్శిస్తున్నట్లు సమాచారం.
ఈ వైరల్ వీడియో సరదాగా చేసినదా.. లేక తేజస్విని ఇకపై పబ్లిక్గా మరింత యాక్టివ్ అవుతుందా అన్నది పక్కన పెడితే.. ప్రస్తుతం మాత్రం ఈ వీడియో సోషల్ మీడియాలో హాట్ టాపిక్గా మారింది.