10వ వారం ఫ్యామిలీ వీక్ ప్లాన్ చేశాడు బిగ్బాస్. ఈ వారం మొత్తం హౌస్లో కంటెస్టెంట్స్ ఫ్యామిలీ మెంబర్స్ అందరూ వెళ్లబోతున్నారు. అంటే ఈ వారం హౌస్ మొత్తం ఎమోషనల్గా ఉండబోతుంది. తాజాగా విడుదలైన ప్రోమోతో అడియన్స్ హృదయాలను బరువెక్కించారు. ముందుగా శివాజీకి బిగ్ సర్ ప్రైజ్ ఇచ్చారు బిగ్బాస్. ఇప్పటికే చేతి నొప్పితో బాధపడుతున్న శివాజీకి ట్రీట్మెంట్ అని అంటూ అస్సలు ఊహించని గిఫ్ట్ అందించారు. తాజాగా విడుదలైన ప్రోమోలో.. కాఫీ తాగుతున్న శివాజీని మెడికల్ రూంకు రమ్మని పిలిచారు బిగ్బాస్. అక్కడున్న డాక్టర్ శివాజీతో మాట్లాడుతూ. చేయి ఎలా ఉంది అని అడగ్గా.. బాగుందని చెప్పాడు. ఇంకా ఫీలింగ్ బెటర్ అని అడగ్గా.. కాస్త నొప్పిగా ఉందంటూ చూపించాడు శివాజీ . ఎక్సర్ సైజ్ చేస్తున్నారా ? అని అడగడంతో చేస్తున్న అని చెప్పాడు. మరో రెండు మూడు రోజుల్లో తగ్గిపోతుందని.. రెస్ట్ తీసుకోవాలంటూ చెప్పాడు. సరే అని గదిలో నుంచి బయటకు వెళ్తుండగా.. నాన్న అని పిలుస్తాడు. ఇక డాక్టర్ మాస్క్ తీసి గుండెళ్లి హత్తుకోవడంతో శివాజీకి కన్నీళ్లు ఆగలేదు. కొడుకును చూసి శివాజీతో ఏడవడం చూస్తే ప్రేక్షకులకు కన్నీళ్లు ఆగవు.
Video : https://youtu.be/rrFS-FP42bY
ఇక తండ్రీకొడుకులు ఒకర్నొకరు పట్టుకుని ఎమోషనల్ అయ్యారు. ఆ తర్వాత తన కొడుకును హౌస్లోకి తీసుకెళ్లాడు శివాజీ. మై సన్ అని అంటూ ఇంటి సభ్యులకు పరిచయం చేస్తూ సంతోషపడిపోయాడు శివాజీ. నువ్వు వస్తావ్ అనుకోలేదురా .. తమ్ముడొస్తాడనుకున్నాను. నీకు సిగ్గు కదా అని అంటూ శివాజీ అనడంతో.. యూఎస్ వెళ్లడానికి యూనివర్సిటీ డేట్ 8 వరకూ ఉంది నాన్న . మళ్లీ నువ్వు వచ్చే ముందు కలవడానికి వీలుంటుందో ఉండదో అని ఇప్పుడే వచ్చేశాను నాన్న అని కొడుకు అనడంతో శివాజీ మళ్లీ చాలా ఎమోషనల్ అయ్యాడు. చాలా రోజులు అయ్యింది నాన్నా అంటూ కొడుకు అనడంతో మరోసారి గట్టిగా ఏడ్చేశారు శివాజీ గారు . ఏడవద్దు నాన్న.. మీరు ఏడిస్తే ఇంట్లో అందరూ ఏడుస్తున్నారు.. మీరు నవ్వితే అందరూ నవ్వుతారు అంటూ తండ్రిని ఓదార్చాడు శివాజీ కొడుకు.
తాజాగా విడుదలైన ప్రోమో చూస్తే అడియన్స్ గుండెలు బరువెక్కడం ఖాయం. ముఖ్యంగా శివాజీకి కొడుకుతో ఉన్న బాండింగ్.. తండ్రిని ఓదార్చే విధానం ప్రేక్షకుల హృదయాలను హత్తుకుంటున్నాయి. ఇక ఈవారం ఒక్కొక్కరి ఇంటి సభ్యులు హౌస్ లోకి రానున్నారు.
