అనారోగ్యం కార‌ణంగా హైదరాబాద్‌లోని ఓ ప్రైవేటు ఆస్పత్రిలో వేణుమాధవ్ కన్నుమూసారు.దీనితో ఒక్క సారిగా తెలుగు చిత్రసీమ విషాదం లో మునిగి పోయింది.అయితే ప్రముఖ హాస్య నటుడు వేణుమాధవ్ మృతి పట్ల మెగాస్టార్‌ చిరంజీవి దిగ్భ్రాంతి వ్యక్తం చేశారు. ఆయన కుటుంబస‌భ్యుల‌కు ప్రగాఢ సానుభూతి వ్యక్తం చేశారు. ‘వేణుమాధవ్ తొలిసారి నాతో క‌లిసి మాస్టర్ సినిమాలో న‌టించాడు. ఆ తర్వాత ప‌లు సినిమాల్లో న‌టించి హాస్య న‌టుడిగా త‌న‌కంటూ ప్రత్యేక‌మైన గుర్తింపు ద‌క్కించుకున్నాడు. కొన్ని పాత్రలు త‌న‌కోసమే పుట్టాయా అనేలా న‌టించేవాడు. ఆ పాత్రకే వ‌న్నె తీసుకొచ్చేవాడు . వ‌య‌సులో చిన్నవాడు. సినీ ప‌రిశ్రమ‌లో త‌న‌కింకా బోలెడంత భ‌విష్యత్తు ఉంద‌ని అనుకుంటున్న సమయంలో దేవుడు చిన్నచూపు చూశాడు. ఆయన ఆత్మకు శాంతి చేకూరాల‌ని ఆ దేవుడ్ని ప్రార్ధిస్తున్నాను’ అని చిరంజీవి ఒక ప్రకటనలో పేర్కొన్నారు.