అబుదాబి టీ10లీగ్‌లో బంగ్లా టైగర్స్‌తో జరిగిన మ్యాచ్‌లో వెస్టిండీస్ విధ్వంసకర ఆటగాడు క్రిస్‌ గేల్‌ చేలరేగి ఆడాడు. ఈ టోర్నీలో టీమ్‌ అబుదాబికు ప్రాతినిధ్యం వహిస్తున్న యూనివర్సల్‌ బాస్‌.. కేవలం 23 బంతుల్లో 5 సిక్స్‌లు,6ఫోర్లుతో 49 పరుగులు సాధించాడు. ఎట్టకేలకు గేల్‌ బ్యాట్‌ ఝలిపించడంతో అభిమానులు ఖుషీ అవుతున్నారు. గేల్‌కు తోడుగా ఓపెనర్‌ పాల్‌ స్టిర్లింగ్‌ కూడా ఆర్ధసెంచరీ చేయడంతో టీమ్‌ అబుదాబి నిర్ణీత 10 ఓవర్లలో 4వికెట్ల నష్టానికి 145 పరుగుల భారీ స్కోర్‌ సాధించింది.
146 పరుగుల భారీ లక్ష్యంతో బరిలోకి దిగిన బంగ్లా టైగర్స్‌ నిర్ణీత 20 ఓవర్లలో 8వికెట్లు కోల్పోయి 108 పరుగులకే పరిమితమైంది. దీంతో టీమ్‌ అబుదాబి 40 పరుగుల తేడాతో ఘన విజయం సాధించింది. కాగా దుబాయ్‌ టీ10లీగ్‌ శుక్రవారం నుంచి ప్రారంభంమైంది. ఈ లీగ్‌లో క్రిస్‌ గేల్‌,ఫాప్‌ డుప్లెసెస్‌, మహ్మద్‌ హాఫీజ్‌, లివింగ్‌స్టోన్‌ వంటి స్టార్‌ ఆటగాళ్లు పాల్గొంటున్నారు.