హైదరాబాద్ లోని చౌటుప్పల్‌లో తీవ్ర విషాదం చోటు చేసుకుంది. రోడ్డు ప్రమాదానికి గురైన వాహనాన్ని ఫొటోలు తీస్తుండగా… మరో వాహనం వేగంగా దూసుకొచ్చి ఢీకొట్టడంతో పోలీసు కానిస్టేబుల్ అక్కడికక్కడే మృత్యువాత పడ్డాడు. తెలంగాణలోని యాదాద్రి భువనగిరి జిల్లా చౌటుప్పల్ పరిధిలో ఈ ఘటన జరిగింది. రోడ్డు ప్రమాదానికి గురైన గూడ్స్ ఆటోను ఫొటో తీస్తూ అదే వాహనం ఢీ కొట్టడంతో ప్రాణాలు పోలీస్ ప్రాణాలు విడిచాడు. అసలేం జరిగిందంటే.. బొర్రొళ్లగూడెం స్టేజీ వద్ద ఆగి ఉన్న ఓ వెహికల్ ని గూడ్స్ ఆటో వెనుక నుంచి ఢీకొట్టింది. దీంతో ముందు నిలిపి ఉన్న వాహన డ్రైవర్‌ బండిని తీసుకుని పరారు అయ్యాడు.
అయితే ఇదే సమయంలో ఆటో డ్రైవర్‌ డయల్ 100కు ఫోన్ చేసి సమాచారం ఇచ్చాడు. పెట్రోలింగ్ విధుల్లో ఉన్న కానిస్టేబుల్ ఏర్పుల జగన్నాథం ఘటనా స్థలికి చేరుకొని ఆటో ముందు నిలబడి ఫొటోలు తీస్తున్నారు. అదే సమయంలో అదుపు తప్పి దూసుకొచ్చిన ఓ డీసీఎం వ్యాన్.. గూడ్స్ ఆటోను వెనుక నుంచి ఢీకొట్టింది. డీసీఎం ఢీకొట్టిన వేగానికి ఆటో ముందుకొచ్చి కానిస్టేబుల్‌ను బలంగా తాకింది. దీంతో కానిస్టేబుల్ తలకు తీవ్రంగా గాయమైంది. వెంటనే హాస్పిటల్‌కు తరలించగా.. కానిస్టేబుల్ చికిత్స పొందుతూ ప్రాణాలు విడిచాడు. కాగా కానిస్టేబుల్ జగన్నాథం సొంతూరు నార్కట్‌పల్లి మండలం వెంకటాపూర్‌. ఆయన కొన్నేళ్లుగా హైదరాబాద్‌లో ఉంటున్నారు. దీంతో వారి కుటుంబంలో విషాద ఛాయలు అలముకున్నాయి