వన్ డే ప్రపంచ కప్ 2023 గత ఆదివారంతో ముగిసిపోయింది. భారత్ ఆతిధ్యమిచ్చిన కప్ ను సాధించడంలో విఫలం అవడంతో అభిమానులు ఈ షాక్ నుండి తేరుకోలేకపోతున్నారు. ఈ ప్రపంచ కప్ అక్టోబర్ 5 నుండి నవంబర్ 19 వరకు మొత్తం 45 లీగ్ మ్యాచ్ లు, 2 సెమి ఫైనల్ మ్యాచ్ లు మరియు ఒక్క ఫైనల్ మ్యాచ్ జరిగాయి. ఇక ఐసీసీ ఇచ్చిన నివేదిక ప్రకారం ఈ ప్రపంచ కప్ ను 1250307 మంది అభిమానులు స్టేడియం కు వచ్చి చూశారు. ఇది ఇప్పటి వరకు ఏ ప్రపంచ కప్ లో అయినా అత్యధిక మంది చూడడం లో రికార్డ్ అని తెలియచేసింది. ఇక గతంలో జరిగిన 2015 ప్రపంచ కప్ లో ఆస్ట్రేలియా న్యూజిలాండ్ లో జరిగిన ప్రపంచ కప్ ను 1016420 మంది చూశారు.
ఇక ఇప్పుడు ఆ రికార్డు బద్దలు కావడం విశేషం అని చెప్పాలి. ఇక కేవలం ఒక ఫైనల్ మ్యాచ్ ను మాత్రమే 92453 మంది వీక్షించడం గమనార్హం. ఇండియా వేలమంది జనాభా ముంగిట ఆస్ట్రేలియా చేతిలో ఓడిపోయి నిరాశకు గురిచేసింది. ఈ కప్ తో ఆస్ట్రేలియా ఆరవసారి ప్రపంచ కప్ టైటిల్ ను అందుకుంది.
