పేదలకు పంపిణీ చేయాల్సిన రేషన్ బియ్యాన్ని ఓ డీలర్ ఎక్కువ ధరకు విక్రయించడానికి రైస్మిల్లుకు తరలిస్తుండగా కరీంనగర్ టాస్క్ ఫోర్స్ పోలీసులు మంగళవారం తెల్లవారుజామున పట్టుకున్నారు. కరీంనగర్ రూరల్ సీఐ ప్రదీప్ కుమార్ తెలిపిన వివరాల ప్రకారం.. కరీంనగర్ మండలం గోపాల్పూర్కు చెందిన రేషన్ డీలర్ బెజ్జంకి అంజయ్య 810 బస్తాల(405 క్వింటాళ్ల) బియ్యాన్ని దుర్శెడ్ గ్రామానికి చెందిన మొగసాల సంతోష్ రెడ్డికి చెందిన రైస్మిల్లుకు ఆటోలో విడతల వారీగా తరలిస్తున్నారు.
ఈ సమాచారం తెలుసుకున్న టాస్క్ ఫోర్స్, రూరల్ పోలీసులు దాడి చేసి రైస్మిల్లు వద్ద బియ్యాన్ని దించుతుండగా పట్టుకొని సీజ్ చేశారు. అంజయ్య, సంతోష్ రెడ్డి, ఆటో డ్రైవర్ మధుపై కేసు నమోదు చేశారు
