హైదరాబాద్ ధూల్‌పేటలో గ్యాస్ సిలిండర్ పేలింది. ఈ ఘటనలో ఇద్దరు మృతి చెందారు. నీరజ్ సింగ్ (48) అనే వ్యక్తి చికిత్స పొందుతూ ఈరోజు తెల్లవారుజామున మూడున్నర గంటలకు మృతి చెందాడు..
మాంగల్ హాట్ పోలీస్ స్టేషన్ పరిధిలో మంగళవారం ధూల్ పేట్ లో సిలిండర్ పేలుడు చోటు చేసుకుంది. ఈ ఘటనలో ఇప్పటివరకు మానవ సింగ్ (23) నీరజ్ సింగ్ ( 48) మృతి చెందారు. సుచిత్ర సింగ్ (44) అనే మరో వ్యక్తి ఆస్పత్రిలో చికిత్స పొందుతున్నారు.
అయితే ఈ బ్లాస్ట్ కేసులో మరో కొత్త కోణం వెలుగులోకి వచ్చింది. గతంలో గుడుంబా కాసిన ఇంట్లోనే ఇప్పుడు సిలిండర్ పేలినట్లు సమాచారం. ప్రభుత్వం ఇస్తామన్నా ఉపాధి హామీ కేవలం ప్రకటనలకు మాత్రమే పరిమితమైంది. దీంతో గుడుంబా కాయడం నిషేధించడంతో చాలా కుటుంబాలు ఉపాధి కోల్పోయారు. దీంతో ఆ కుటుంబ సభ్యులు ప్రత్యామ్నాయం లేక అక్రమ గ్యాస్ రీఫిల్లీంగ్ చేస్తున్నారు.
నిన్న గ్యాస్ సిలిండర్ రీ సీలింగ్ చేస్తున్న సమయంలోనే ఈ ప్రమాదం చోటుచేసుకుంది. రీఫిల్ చేస్తున్న తరుణంలో ఒక్కసారిగా మంటలు చెలరేగాయి పెద్ద ఎత్తున మంటలు చెలరేగడంతో ఈ ప్రమాదంలో మానవ సింగ్ అక్కడికక్కడే మృతి చెందారు. సుచిత్ర సింగ్ కు తీవ్ర గాయాలయ్యాయి ప్రస్తుతం హాస్పిటల్ లో చికిత్స పొందుతున్నారు.