కరోనా లాక్‌డౌన్‌ వేళ అమలాపాల్ ఓ పార్టీకి హాజరైంది. ఈ వేడుకలో సంగీతాన్ని ఆస్వాదిస్తూ డ్యాన్స్‌ చేస్తూ ఉత్సాహంగా చెలరేగిపోయింది. అయితే ఈ పార్టీకి వేదిక పబ్‌, హోటల్‌ కాదు తన ఇళ్లేనని వెల్లడిస్తోంది ఆ భామ. సెకండ్‌ ఇన్నింగ్స్‌లో వైవిధ్యభరితమైన స్టోరీలను ఎంచుకుంటూ సినిమాలు చేస్తోంది అమలాపాల్. ప్రస్తుతం కరోనా ప్రభావం కారణంగా షూటింగ్‌లు నిలిచిపోవడంతో విరామ కాలాన్ని కుటుంబంతో గడపడానికి కేటాయిస్తోంది.
కాగా అమలాపాల్ సోదరుడు అభిజిత్‌పాల్‌ పుట్టినరోజు వేడుకలు తాజాగా జరిగాయి. ఈ పార్టీలో ముఖానికి మాస్క్‌ ధరించి పాప్‌ సాంగ్స్‌కు డ్యాన్స్‌ చేస్తోన్న తన వీడియోను అభిమానులతో పంచుకుంది అమలాపాల్. అందరం కలిసి ఉండకుండా భౌతిక దూరం పాటిస్తూ, మాస్క్‌ ధరించి ఈ పార్టీని చేసుకున్నామని చెప్పింది. క్వారంటైన్ కాదు క్వారంఫైన్‌ పార్టీ ఇదంటూ చమత్కరించింది అమలాపాల్. ప్రస్తుతం తెలుగులో ‘లస్ట్‌స్టోరీస్‌’ రీమేక్‌తో పాటు హిందీలో ఓ వెబ్‌సిరీస్‌లో నటిస్తోంది అమలా. తమిళంలో ఆమె నటించిన ‘ అదో అంద పరవై పోలా’తో పాటు మరో సినిమా కూడా రిలీజ్ కు రెడీగా ఉన్న విషయం తెలిసిందే.