నాగార్జున, నాని హీరోలుగా శ్రీరామ్‌ ఆధిత్య దర్శకత్వంలో అశ్వినీదత్‌ నిర్మించిన మల్టీస్టారర్‌ మూవీ ‘దేవదాస్‌’ తాజాగా ప్రేక్షకుల ముందుకు వచ్చిన విషయం తెల్సిందే. భారీ అంచనాల నడుమ రూపొందిన ఈ చిత్రంకు భారీ ఓపెనింగ్స్‌ దక్కాయి. మొదటి రోజు ఈ చిత్రం మంచి వసూళ్లను రాబట్టడంతో లాంగ్‌ రన్‌లో ఈ చిత్రం డిస్ట్రిబ్యూటర్లకు లాభాలను మిగిల్చే అవకాశం ఉందని అంతా అనుకున్నారు. కాని అనూహ్యంగా ఈ చిత్రం విడుదలైన రెండవ రోజు నుండి కలెక్షన్స్‌ చాలా డ్రాప్‌ అయ్యాయి.
భారీ ఎత్తున ఈ చిత్రంపై వచ్చిన అంచనాల దృష్ట్యా అన్ని ఏరియాల్లో కలిపి దాదాపుగా 35 కోట్లకు అమ్ముడు పోయినట్లుగా సమాచారం అందుతుంది. కాని ప్రస్తుత పరిస్థితి చూస్తుంటే ఈ చిత్రం కనీసం 20 కోట్ల వరకు అయినా షేర్‌ను రాబట్టే అవకాశం లేదని సమాచారం అందుతుంది. ఈ శని ఆదివారాల్లో ఒక మోస్తరుగా ఈ చిత్రం రాణిస్తుందని ఆశ పెట్టుకున్నా కూడా మొదటి నాలుగు రోజుల్లో 15 కోట్ల వరకు రాబట్టే అవకాశం ఉంది. ఆ తర్వాత మరో అయిదు కోట్ల వరకు వసూళ్లు సాధించవచ్చు. అంటే మొత్తంగా 20 కోట్ల వద్ద ఈ చిత్రం ఆగిపోయే అవకాశం ఉంది.
