తమిళ హీరో ధనుష్ హీరోగా నటించిన రీసెంట్ సినిమా ‘రాయన్’ గురించి అందరికీ తెలిసిందే. ఈ మూవీ ని ధనుష్ స్వీయ దర్శకత్వంలో తెరకెక్కించారు . ఈ మూవీ పూర్తి మాస్ యాక్షన్ రివెంజ్ డ్రామాగా ప్రేక్షకులని అలరించడంలో సక్సెస్ అయ్యింది. ఈ మూవీ లోని మాస్ అంశాలు, ఫ్యామిలీ ఎమోషన్స్‌కి ఆడియెన్స్ బాగా కనెక్ట్ అయ్యారు. బాక్సాఫీస్ దగ్గర కూడా ఈ మూవీ భారీ వసూళ్లు రాబట్టింది.
ఇక ఈ మూవీ ఓటీటీలోనూ మంచి రెస్పాన్స్‌ని దక్కించుకుంది. తమిళ్‌తో పాటు తెలుగు భాషలోనూ ఈ మూవీ కి ప్రేక్షకుల నుంచి మంచి రెస్పాన్స్ లభించింది. అయితే, ఇప్పుడు ఈ మూవీ బుల్లితెరపై సత్తా చాటేందుకి సిద్ధమయ్యింది. రాయన్ మూవీ ని దీపావళి కానుకగా వరల్డ్ టెలివిజన్ ప్రీమియర్ చేయనున్నట్లు ప్రముఖ టీవీ ఛానల్ జెమిని అనౌన్స్ చేసింది. దీపావళి సందర్భంగా ఈ మూవీ ప్రేక్షకులకు అందించబోతున్నట్లు వారు ప్రకటించారు.
థియేటర్లతో పాటు ఓటీటీలోనూ ఆడియెన్స్‌ను ఇంప్రెస్ చేసిన రాయన్, బుల్లితెరపై ఎలాంటి రెస్పాన్స్ అందుకుంటాడో అనేది చూడాలి. ఇక ఈ మూవీ లో సందీప్ కిషన్, కాళిదాస్ జయరామ్, దుషార విజయన్, అపర్ణ బాలమురళి తదితరులు ఇతర ముఖ్య పాత్రల్లో నటించారు. ఈ మూవీ కి ఏఆర్ రెహమాన్ సంగీతం అందించాడు.
