అమెరికన్ డయాబెటీస్ అసోసియేషన్ ప్రకారం పంచదార ఎక్కువగా తినడం వల్ల మాత్రమే డయాబెటీస్ కాదు, కానీ కొన్ని కేసుల్లో అది కూడా కాంట్రిబ్యూటింగ్ ఫ్యాక్టర్ కావచ్చు. టైప్ 1 డయాబెటీస్ ఏదైనా బయట నుంచి ట్రిగ్గర్ ఉన్నప్పుడు బయట పడుతుంది, టైప్ 2 డయాబెటీస్‌కి జెనెటిక్స్ నుంచి లైఫ్ స్టైల్ ఛాయిస్ ల వరకూ అనేక రిస్క్ ఫ్యాక్టర్స్ ఉన్నాయి. టైప్ 2 డయాబెటీస్ కి కారణమయ్యే మరి కొన్ని రిస్క్ ఫ్యాక్టర్స్ లో అధిక బరువు కలిగి ఉండడం, హైబీపీ ఉండడం, రోజులో ఎక్కువ సేపు కూర్చునే పని చేయడం, ఎలాంటి ఫిజికల్ యాక్టివిటీ లేకపోవడం, ఒత్తిడి ఎక్కువగా ఉండడం, నలభై ఐదు సంవత్సరాల కంటే ఎక్కువ వయసు ఉండడం అనేవి చెప్పుకోవచ్చు.
డయాబెటీస్ వారికి కార్బ్స్ చెడ్డవి కావు. ఇక్కడ గమనించుకోవలసిన విషయం ఏమిటంటే ఎలాంటి కార్బ్స్ గురించి మాట్లాడుతున్నాం అని. ఎలాంటి కార్బ్స్ తీసుకుంటున్నారు, ఎంత తీసుకుంటున్నారు అనేది ఇక్కడ ఇంపార్టెంట్. గ్లైసెమిక్ ఇండెక్స్ తక్కువగా ఉన్న కార్బ్స్ గ్లైసెమిక్ ఇండెక్స్ ఎక్కువగా ఉన్న కార్బ్స్ కంటే మంచివి. అలాగే, గ్లైసెమిక్ లోడ్ ని కూడా దృష్టిలో పెట్టుకుని ఫుడ్స్ ఎంచుకోవాలి. గ్లైసెమిక్ ఇండెక్స్, లేదా గ్లైసెమిక్ లోడ్ ఎక్కువ ఉన్న ఫుడ్ ని గ్లైసెమిక్ ఇండెక్స్, గ్లైసెమిక్ లోడ్ తక్కువ ఉన్న ఫుడ్స్ తో కలిపి తీసుకుంటే మీ మీల్ ని బ్యాలెన్స్ చేసిన వారు అవుతారు. ఇలా చేసిన తరువాత కూడా మీరు ఎంత పోర్షన్ తీసుకోవాలి అనేదాన్ని కూడా మ్యానేజ్ చేసుకోవాలి, ఎందుకంటే ఎక్కువ కార్బ్స్ బ్లడ్ షుగర్ లెవెల్స్ ని పెంచుతాయి.
స్టార్చ్ ఉన్న ఫుడ్స్ లో కార్బో హైడ్రేట్స్ ఉంటాయి. బ్రెడ్, పాస్తా, రైస్ తో పాటు స్టార్చీ ఫుడ్స్ లో బంగాళా దుంపలు, మొక్క జొన్న, బీన్స్, పప్పులు ఉంటాయి. ఈ కూరగాయల్లో కార్బ్స్ ఉన్నా కూడా వాటిలో ఇంకా ఇంపార్టెంట్ న్యూట్రియెంట్స్ కూడా ఉంటాయి. వీటిని మోడరేట్ క్వాంటిటీ లో తీసుకోవచ్చు. అలాగే, మీరు ఫైబర్ ఎక్కువగా ఉండి తక్కువ ప్రాసెసింగ్ జరిగిన కార్బ్స్ తీసుకోవాలి. అప్పుడే మీరు బ్లడ్ షుగర్ లెవెల్స్ ని మ్యానేజ్ చేసుకుంటూ కూడా మీకు అవసరమైన మినరల్స్, విటమిన్స్ ని పొందగలుగుతారు.
అప్పుడప్పుడూ ఒక కేకు, లేదా బిస్కెట్, పకోడీ తినడం వల్ల చాలా మంది డయాబెటిక్ పేషెంట్స్ కి పెద్ద ప్రాబ్లం రాదు. గుర్తు పెట్టుకోవలసిందల్లా పోర్షన్ కంట్రోల్ మాత్రమే. ఏదైనా పండగకో పబ్బానికో కూడా మీకు నచ్చినవి తినకుండా ఉండనక్కరలేదు. కొద్దిగా తినాలి. అలాగే, ఆ రోజు ఫుడ్ లో తీసుకునే ఇతర కార్బ్స్ విషయం లో జాగ్రత్త వహించాలి.
డయాబెటీస్ ఉన్న వారు అన్ని పండ్లూ తినవచ్చు. అయితే, పండు పండుగా తినాలి, జ్యూస్ లా కాదు. ఇలా ఎందుకంటే చాలా పండ్లలో న్యూట్రియెంట్స్ పుష్కలంగా ఉంటాయి. ఇవి హెల్దీ బ్లడ్ షుగర్ లెవెల్స్ ని ప్రమోట్ చేస్తాయి. వీలున్నంత వరకూ షుగర్ తక్కువగా ఉన్న యాపిల్స్, బెర్రీస్ వంటివి తీసుకోవచ్చు. కొన్ని పండ్లలో నాచురల్ షుగర్స్ ఎక్కువ ఉంటాయి అన్న మాట నిజమే, అలాంటి వాటిని కూడా తినవచ్చు, కానీ కొద్దిగా మాత్రమే. ఇప్పుడు వేసికాలం లో మామిడి పండు తినకుండా ఉండలేం కదా. మొత్తం పండు కాకుండా రెండు ముక్కలు తినడం లా అన్న మాట. మీ డయాబెటీస్ ఏ కండిషన్ లో ఉందీ అన్న దాన్ని బట్టి ఇలాంటి షుగర్స్ ఎక్కువ ఉన్న పండ్లు ఏవి తీసుకోవచ్చు, ఎంత తీసుకోవచ్చు అనే విషయం లో మీ డాక్టర్ సూచన పాటించండి.
డయాబెటీస్ కోసం మెడిసిన్స్ తీసుకోవడం అంటే మీకు నచ్చినవన్నీ తినడానికి పర్మిషన్ ఉన్నట్టు కాదు. డయాబెటీస్ ఉన్న వారు మెడిసిన్స్ కంపల్సరీగా వేసుకోవాలి, ఆహార పరమైన జాగ్రత్తలు కూడా పాటించాలి. ఎందుకంటే, సరైన ఆహారపు అలవాట్ల వల్ల డయాబెటీస్ ని లాంగ్ టెర్మ్ లో మ్యానేజ్ చేయడం తేలిక అవ్వడమే కాక, డయాబెటీస్ తో పాటూ ఉండే హైబీపీ, కార్డియో వాస్క్యులర్ డిసీజ్ వంటి ఇతర క్రానిక్ కండిషన్స్ ని మ్యానేజ్ చేయడం కూడా తేలికవుతుంది.
ఏ సూపర్ మార్కెట్ లో చూసినా షుగర్ ఫ్రీ ఫుడ్స్ అనే పేరుతో ఒక సెక్షన్ ఉంటుంది. ఒక ఐటెం షుగర్ ఫ్రీ అన్నంత మాత్రాన అది మేలు చేస్తుంది అనుకోవడానికి లేదు, ఎందుకంటే, అందులో సింపుల్ కార్బ్స్, ఫ్యాట్, క్యాలరీలు ఉండవచ్చు. అయితే, ఇందాక చెప్పినట్లు అప్పుడప్పుడూ ఇవి తీసుకోవడం లో తప్పు లేదు కానీ పొద్దున్న పూట కాఫీ దగ్గర నుండి ఇవి వాడుకుంటాను అంటే మాత్రం తప్పే.
నిజానికి సరైన ఇంటర్వెన్షన్స్ తో డయాబెటీస్ ని రివర్స్ చేయగలము. సరైన ఆహారపు అలవాట్లు, బరువు కంట్రోల్ లో ఉంచుకోవడం వంటి పనుల ద్వారా టైప్ 2 డయాబెటీస్ లో మెడిసిన్స్ అవసరం లేకుండా నార్మల్ బ్లడ్ షుగర్ లెవెల్స్ మెయింటెయిన్ చేయగలిగే అవకాశం ఉంది.
డయాబెటీస్ ఉంది అని తెలియగానే కొంచెం కంగారుగా అనిపిస్తుంది. కానీ దాని గురించి అన్ని తెలుసుకున్న తరువాత, అదే పెద్ద ప్రాబ్లం కాదని అర్ధమవుతుంది. బయట ప్రాచుర్యంలో ఉన్న ఎలాంటి అపోహలనీ నమ్మకండి. మీకు ఏవైనా సందేహాలుంటే మీ డాక్టర్‌ని అడిగి తెలుసుకోండి. అలాగే, మీరు ఏవైనా డైట్ ఛేంజెస్, లైఫ్ స్టైల్ ఛేంజెస్ చేసుకోదల్చుకున్నా మీ డాక్టర్‌తో మాట్లాడి వారి సూచనల ప్రకారం చేయడమే మంచిది.