Posted [relativedate] at [relativetime time_format=”H:i”]
వరుణ్ తేజ్ హీరోగా వెంకీ అట్లూరిల కాంబినేషన్లో తెరకెక్కుతున్న చిత్రానికి ‘తొలిప్రేమ’ టైటిల్ను ఖరారు చేశారు. ఈ చిత్రాన్ని బివిఎస్ఎన్ ప్రసాద్ నిర్మిస్తున్న విషయం తెల్సిందే. పవన్ కళ్యాణ్ సూపర్ హిట్ మూవీ టైటిల్ను ఈ చిత్రానికి ఖరారు చేయడంతో అంచనాలు అమాంతం పెరిగాయి. ఒక విభిన్న కథతో వెంకీ అట్లూరి ఈ చిత్రాన్ని తెరకెక్కింబోతున్నాడు. దిల్రాజుకు మొదట నుండి ఈ కథపై ఆసక్తి ఉందట. తానే నిర్మించాలని భావించినా కూడా కొన్ని కారణాల వల్ల సినిమా బివిఎస్ఎన్ ప్రసాద్కు వెళ్లింది. తాజాగా చిత్రానికి ‘తొలిప్రేమ’ టైటిల్ ఖరారు చేయడంతో సినిమాపై అంచనాలు మరింతగా పెరిగాయి. అందుకే ఈ చిత్రం మొత్తం పంపిణీ హక్కులను దిల్రాజు దక్కించుకున్నట్లుగా తెలుస్తోంది.
తెలుగు రాష్ట్రాల్లోనే కాకుండా ప్రపంచ వ్యాప్తంగా కూడా ఈ చిత్రం పంపిణీ హక్కులను దిల్రాజు దక్కించుకున్నాడు. భారీ మొత్తంను నిర్మాత బివిఎస్ఎన్ ప్రసాద్కు చెల్లించి ఈ చిత్రాన్ని దక్కించుకున్నాడు అంటూ సమాచారం అందుతుంది. ‘తొలిప్రేమ’ చిత్రాన్ని హోల్సేల్గా దిల్రాజు దక్కించుకోవడంతో ఏరియాల వారిగా పంపిణీ హక్కుల కోసం మరింత పోటీ నెలకొంది.
దిల్రాజు నైజాం రైట్స్ను తన వద్ద ఉంచుకుని మిగిలి అన్ని ఏరియాలను అమ్మేసే యోచనలో ఉన్నాడు. అయితే సినిమా విడుదల సమయంలో ఏరియాల వారిగా బిజినెస్ను చేయబోతున్నాడు. ఫిబ్రవరిలో ఈ చిత్రాన్ని విడుదల చేయబోతున్నారు. దిల్రాజు హ్యాండ్ ‘తొలిప్రేమ’పై పడటంతో ఒక్కసారిగా వరుణ్ మూవీ క్రేజ్ అమాంతం పెరిగి పోయింది.