టాలీవుడ్‌లో ‘కలర్ ఫోటో’ మూవీ ఎలాంటి సెన్సేషన్ క్రియేట్ చేసిందో అందరికీ తెలిసిందే. ఈ మూవీ ఏకంగా నేషనల్ అవార్డుని కూడా గెలుచుకుని తన సత్తా చాటింది. ఇలాంటి మూవీ ని డైరెక్ట్ చేసిన దర్శకుడు సందీప్ రాజ్ క్రిటిక్స్ ప్రశంసలు సైతం అందుకున్నారు . అయితే, ఆయన తాజాగా ఒక హీరోయిన్‌తో నిశ్చితార్థం చేసుకున్నాడు.
హీరోయిన్ చాందిని రావుని దర్శకుడు సందీప్ రాజ్ వివాహం చేసుకోబోతున్నారు . తాజాగా వీరి నిశ్చితార్థం కూడా జరిగింది. దీనికి సంబంధించిన ఫోటోలు నెట్టింట చక్కర్లు కూడా కొడుతున్నాయి. గతకొంత కాలంగా వీరిద్దరు ఒకరినొకరు ఇష్టపడుతున్నారని.. మూడు ముళ్ల బంధంతో ఒకటి కాబోతున్నారని కూడా సినీ సర్కిల్స్‌లో వార్తలు వినిపించాయి. ఇప్పుడు ఆ వార్తలు నిజం అయ్యాయి. ఇక సందీప్ రాజ్, చాందిని రావు నిశ్చితార్థంతో పలువురు సెలబ్రిటీలు వారికి శుభాకాంక్షలు కూడా తెలుపుతున్నారు.
