ముఖ్యంగా గర్భం ధరించిన మహిళలు గుడ్లు ఎక్కువగా తింటుంటారు. ఎందుకంటే గర్భిణీలు ఎక్కువగా పనిచేసుకోలేరు కాబట్టి త్వరగా వంట పూర్తయ్యే వాటిని వండుతుంటారు. వాటిలో గుడ్లు ఒకటి. ఎందుకంటే గుడ్డుతో ఆహారాన్ని చాలా త్వరగా వండుకోవచ్చు కాబట్టి. అంతేకాకుండా గుడ్డులో ఎక్కువ ప్రొటీన్‌లు లభిస్తాయి కాబట్టి చాలా మంది గుడ్డు తినడాన్ని ప్రిఫర్ చేస్తుంటారు. అయితే పీరియడ్స్ సమయంలో మహిళలు గుడ్లు తినవచ్చా? మీరు గుడ్డు ప్రేమికులైతే, పీరియడ్స్ సమయంలో గుడ్లు తినవచ్చా లేదా అని ఆందోళన చెందుతుంటే ఈ ఆర్టికల్ చదవండి.
హార్మోన్ల హెచ్చుతగ్గుల కారణంగా శరీరం అనేక మార్పులకు గురవుతుంది కాబట్టి పీరియడ్స్ అనేది ఏ మహిళకైనా సున్నితమైన దశ. చాలా మంది మహిళలు వారి ఋతుచక్రంలో తిమ్మిరి, వెన్నునొప్పి, మూడ్ స్వింగ్స్, వికారంతో పాటు ఇతర ఇబ్బందులను అనుభవిస్తారు. అటువంటి పరిస్థితుల్లో మీ ఆహారంపై చాలా శ్రద్ధ వహించాలని వైద్యులు సిఫారసు చేస్తున్నారు. ఎందుకంటే కొన్ని ఆహారాలు తిమ్మిరిని తీవ్రతరం చేస్తాయి. ఈ పరిస్థితి పీరియడ్స్ వచ్చిన మహిళలను మరింత ఇబ్బంది పెట్టే అవకాశం ఉంది.
అదృష్టవశాత్తూ గుడ్లు తింటే అలాంటి పరిస్థితి తలెత్తే అవకాశం లేదు. అందుకే పీరియడ్స్ సమయంలో గుడ్లు తినకూడదనేది అపోహ మాత్రమే. కోడిగుడ్లు అనేవి B6, D, E వంటి విటమిన్‌ల స్టోర్‌హౌస్ అని మీకు తెలుసా. ఇవి PMS లక్షణాలతో పోరాడటానికి కలిసి పనిచేస్తాయి. గుడ్లు ప్రోటీన్ లభించే గొప్ప మూలం. ఈ ఆహారం ఎక్కువ కాలం సంతృప్తిని కలిగించడం ద్వారా మీ పొట్ట నిండుగా ఉంచుతుంది.
గుడ్లు మీ ఎముకలను బలంగా ఉంచడంలో సహాయపడే భాస్వరం, కాల్షియంకు సంబంధించి మంచి మూలం. గుడ్లలో జింక్ ఉండటం వల్ల రోగనిరోధక వ్యవస్థ బలపడుతుంది. ఒక గుడ్డులో 125.5 మిల్లీగ్రాముల కోలిన్ ఉంటుంది. ఇది మీ మెదడుతో పాటు గుండె ఆరోగ్యానికి చాలా అవసరం. గుడ్లు మీ శరీరంలో మంచి కొలెస్ట్రరాల్ లేదా HDL స్థాయిలను కూడా మెరుగుపరుస్తాయి. గుడ్డు చెడు కొలెస్ట్రాల్‌ను పెంచుతుందనేది కేవలం అపోహ. మితమైన పరిమాణంలో గుడ్లను క్రమం తప్పకుండా తీసుకోవడం వల్ల స్ట్రోక్, గుండె జబ్బుల ప్రమాదాన్ని తగ్గించవచ్చు.
రొమ్ము క్యాన్సర్ ప్రమాదాన్ని తగ్గించడంలో గుడ్లు కూడా సహాయపడతాయి. కోడిగుడ్డులోని ఐరన్‌ని శరీరం వేగంగా గ్రహిస్తుంది. ఐరన్‌ గర్భిణులు, బాలింతలకు ఉపయోగపడుతుంది. జట్టు ఆరోగ్యంగా ఉండటమే కాకుండా, గోళ్లు ఆరోగ్యంగా ఉంటాయి. గుడ్డులో విటమిన్ ఎ ఉంటుంది. ఇది కళ్ళు ఆరోగ్యంగా ఉండటానికి సాయపడతుంది. గుడ్డులో పొటాషియం, కాల్షియం పుష్కలంగా ఉంటాయి. ఇవి ఎముకలు గట్టిపడటానికి ఉపయోగపడతాయి. అలానే నరాల బలహీనత ఉన్న వారు రోజూ గుడ్డును తీసుకోవాలి.
ఇది నరాల బలహీనత తగ్గేలా చేస్తుంది. గుండె జబ్బుల నివారణకు తోడ్పడుతుంది.తక్కువ గుడ్లు తినే మహిళల కంటే ప్రతి వారం కనీసం ఆరు గుడ్లు తినే మహిళల్లో రొమ్ము క్యాన్సర్ ముప్పు 44% తగ్గుతుందని ఒక అధ్యయనంలో తేలింది. కోడిగుడ్లను ఉడికించుకుని తిన్నా… ఆమ్లెట్‌ వేసుకుని తిన్నా అన్ని ప్రయోజనాలు మీకు అందుతాయి. బ్రెడ్, గుడ్లను ఉపయోగించి ఎగ్ శాండ్‌విచ్ లేదా ఫ్రెంచ్ టోస్ట్ కూడా చేయవచ్చు.
ఎగ్ కర్రీ, ఎగ్ బుర్జి, ఎగ్ బిర్యానీ, ఎగ్ తడ్కా, చిల్లీ ఎగ్స్ మొదలైన మెయిన్ కోర్స్ వంటకాలు కూడా గుడ్లతో తయారుచేసుకోవచ్చు. చాలా మంది వ్యక్తులు ఎగ్ పరాఠాను కూడా తయారు చేస్తారు. సూప్‌లు, నూడుల్స్, ఫ్రైడ్ రైస్‌కు కూడా గుడ్లు కలుపుకుని ఆరగించవచ్చు. ముఖ్యంగా గుడ్లను ఉపయోగించి హల్వా కూడా చేసుకోవచ్చు. ఈ డిజర్ట్ చాలా రుచిగా ఉంటుంది. ఇది తప్పనిసరిగా ప్రయత్నించాల్సిన సూపర్ రుచికరమైన డిజర్ట్. మీరు గుడ్డు ప్రేమికులైతే వెంటనే ఈ వింటర్ స్పెషల్ ఎగ్ హల్వా రెసిపిని ప్రయత్నించండి.
గుడ్డును ఉడికించి తింటే చాలా ప్రయోజనాలుంటాయి. ఉడికించిన గుడ్లలో ప్రోటీన్ పుష్కలంగా లభిస్తుంది. ఒకవేళ మీరు కండరాలను పెంచడానికి పచ్చి గుడ్లు తాగటానికి ఇబ్బంది పడతుంటుంటే ఇక నుంచి ఉడికించిన గుడ్లను తీసుకోవచ్చు. ఎందుకంటే ఉడికించిన గుడ్లలో ప్రోటీన్ అధికంగా ఉంటుంది. నిజానికి, వండిన గుడ్లు ప్రోటీన్ పంచ్. ఉడికించిన గుడ్డు ప్రోటీన్‌ను విచ్చినం చేసి జీర్ణక్రియను సులభతరం చేస్తుంది.
పచ్చి గుడ్డులో 50 నుండి 60 శాతం ప్రోటీన్లను గ్రహిస్తాయి. అదే ఉడికించిన గుడ్డులో 90 శాతం ప్రోటీన్లను గ్రహిస్తుంది. గుడ్లలో జుట్టు, గోరు పెరుగుదలకు ముఖ్యమైన బయోటిన్ అనే నీటిలో కరిగే విటమిన్ కలిగి ఉంటాయి, పచ్చి గుడ్లలో అవిడిన్ అనే ప్రోటీన్ ఉంటుంది, ఇది బయోటిన్ గ్రహించకుండా నిరోధిస్తుంది. గుడ్లను ఉడికించడం ద్వారా ప్రోటీన్‌ను విచ్ఛిన్నం చేయడం వల్ల మన శరీరాలు గుడ్లలోని బయోటిన్‌ను గ్రహిస్తాయి. అందుకే రోజూ గుడ్డును తినాలంటే ఉడికించుకుని తింటేనే మంచిది.
రోజూ ఒక ఉడికించిన గుడ్డును తీసుకోవడం వల్ల మీ శరీరానికి కావల్సినంత ఎనర్జీ అందుతుంది. గుడ్డులో మాంసకృత్తులు సమృద్ధిగా ఉంటాయి. ఇది కండపుష్టికి, కండర నిర్మాణానికి ఎంతో మేలు చేస్తుంది. గుడ్డు తేలికగా జీర్ణం కాదు గనుక తొందరగా ఆకలివేయదు. కోడిగుడ్డు తింటే కంటికి ఎంతో మేలు కలుగుతుంది. రోజు గుడ్డు తినేవారికి ఐ సైట్, శుక్లాలు వచ్చే అవకాశం బాగా తగ్గుతుంది. గుడ్డులో విటమిన్-ఎ ప్రధానమైన జీవపోషకం.
ఇది గుడ్డులోని పచ్చసొనలోనే అధికం. కంటి దోషాలు లేకుండా ఉండాలంటే జింక్, సెలీనియం, విటమిన్-ఇ ఇందులో అధికంగా ఉన్నాయి. గుడ్లలో విటమిన్ డి పుష్కలంగా ఉంటుంది. శరీరానికి ఎండ తగలకపోవటం, సరైన పోషకాహారం తీసుకోకపోవటం వల్ల ప్రస్తుతం చాలామంది విటమిన్ డి లోపంతో బాధపడుతున్నారు. దీంతో మధుమేహం, ఎముక జబ్బుల వంటి ముప్పులు పొంచి ఉంటున్నాయి. అందువల్ల గుడ్లను ఆహారంలో చేర్చుకోవటం మంచిది.