హీరో నితిన్ నటిస్తున్న లేటెస్ట్ సినిమా ‘రాబిన్‌హుడ్’ క్రిస్మస్ కానుకగా గ్రాండ్ రిలీజ్‌కి రెడీ అవుతుంది . ఈ మూవీ ని దర్శకుడు వెంకీ కుడుముల డైరెక్ట్ చేస్తుండగా పూర్తి యాక్షన్ థ్రిల్లర్ సినిమా గా రూపొందుతోంది. ఇక ఈ మూవీ తో నితిన్ బాక్సాఫీస్ దగ్గర సాలిడ్ హిట్ అందుకోవాలని చూస్తున్నారు . ఇప్పటికే రిలీజ్ అయిన ఈ సినిమా కంటెంట్ ప్రేక్షకుల్లో మంచి బజ్‌ను క్రియేట్ చేసింది.
అయితే, ఈ మూవీ లోని ఫస్ట్ సింగిల్ సాంగ్‌ను రిలీజ్ చేసేందుకు మేకర్స్ రెడీ అవుతున్నారు. ఈ సినిమా లోని ఫస్ట్ సింగిల్ సాంగ్‌గా ‘వన్ మోర్ టైమ్’ అనే పాటని రిలీజ్ చేస్తున్నట్లు చిత్ర యూనిట్ అనౌన్స్ చేసింది. ఈ పాటని పాప్ క్వీన్, ఇండో-ఫ్యూజన్ సింగర్ విద్యా వోక్స్ పాడింది. ఈ మేరకు చిత్ర యూనిట్ ఓ పోస్టర్‌ని కూడా రిలీజ్ చేశారు. ఇక ఈ పాటను నవంబర్ 26న సాయంత్రం 5.04 గంటలకు రిలీజ్ చేస్తున్నట్లు చిత్ర యూనిట్ తెలిపింది.
ఈ మూవీ లో అందాల భామ శ్రీలీల హీరోయిన్‌గా నటిస్తుండగా జివి.ప్రకాష్ కుమార్ ఈ చిత్రానికి సంగీతాన్ని అందిస్తున్నాడు. మైత్రీ మూవీ మేకర్స్ వారు ఈ సినిమా ని ప్రొడ్యూస్ చేస్తున్నారు.
