ఐకాన్ స్టార్ అల్లు అర్జున్, నేష‌న‌ల్ క్ర‌ష్ ర‌ష్మిక మంద‌న్న జంట‌గా నటిస్తున్న ‘పుష్ప – ది రూల్’ మూవీ కోసం ప్రేక్ష‌కులు ఏ రేంజ్ లో ఎదురుచూస్తున్నారో అంద‌రికీ తెలిసిందే. క్రియేటివ్ డైరెక్ట‌ర్ సుకుమార్ తెర‌కెక్కిస్తున్న ఈ మూవీ నుంచి ఇప్ప‌టికే రిలీజ్ అయిన టీజ‌ర్, ఫ‌స్ట్ సాంగ్ ల‌కి అదిరిపోయే రెస్పాన్స్ ద‌క్కింది. తాజాగా ఈ మూవీ నుండి సూసేకి లిరిక‌ల్ సాంగ్ ని మేక‌ర్స్ రిలీజ్ చేశారు.
చంద్ర‌బోస్ అందించిన చ‌క్క‌టి లిరిక్స్ కి రాకింగ్ స్టార్ దేవిశ్రీ ప్ర‌సాద్ క్యాచీ ట్యూన్ అందించారు. ప్ర‌ముఖ సింగ‌ర్ శ్రేయా ఘోష‌ల్ ఈ పాట‌ని పాడిన తీరు మ్యూజిక్ ల‌వ‌ర్స్ ని అమితంగా ఆకట్టుకుంటోంది. ఇక ఈ పాట ఖ‌చ్చితంగా చార్ట్ బ‌స్ట‌ర్ గా నిలుస్తుంద‌ని అభిమానులు ధీమా గా వ్య‌క్తం చేస్తున్నారు.
‘పుష్ప – ది రూల్’ సినిమా ని ప్ర‌పంచ‌వ్యాప్తంగా ఆగ‌స్టు 15న గ్రాండ్ రిలీజ్ చేసేందుకు మేక‌ర్స్ రెడీ అవుతున్నారు. ఈ మూవీ బాక్సాఫీస్ వద్ద ఎలాంటి వండ‌ర్స్ క్రియేట్ చేస్తుందా అని అభిమానులు ఆసక్తిగా ఎదురుచూస్తున్నారు . మైత్రీ మూవీ మేక‌ర్స్ ఈ మూవీ ని భారీ బ‌డ్జెట్ తో ప్రొడ్యూస్ చేస్తున్నారు.
