వంట గ్యాస్ వినియోగదారులకు కేంద్ర ప్రభుత్వం శుభవార్త అందించింది. ఇకపై ఎల్బీజీ వినియోగదారులు తమకు నచ్చిన డిస్ట్రిబ్యూటర్‌ను ఎంపిక చేసుకునే వెలుసుబాటు అందుబాటులోకి తెచ్చింది. దీని ప్రకారంవినియోగదారులు ఇకపై ఏ గ్యాస్ డిస్ట్రిబ్యూటర్ వద్ద నుంచైనా సిలిండర్ ఫిల్ చేయించుకోవచ్చు.ఇప్పటివరకు వంట గ్యాస్ వినియోగదారులు ఏదో ఒక డిస్ట్రిబ్యూటర్ వద్దనే గ్యాస్ సిలిండర్ బుక్ చేసుకునే అవకాశం ఉంది.
ఈ అంశంపై పలువురు ఎంపీలు పార్లమెంటులో కేంద్రాన్ని ప్రశ్నించారు. గ్యాస్ వినియోగదారులు స్వయంగా డిస్ట్రిబ్యూటర్‌ను ఎంపిక చేసుకునే అవకాశం లేదా? అని ప్రశ్నించారు. దీనిపై స్పందించిన కేంద్ర పెట్రోలియం, సహజ ఇంధన వనరులశాఖ మంత్రి రామేశ్వర్ తెలీ… ఇక నుంచి వంట గ్యాస్ వినియోగదారులు తమకు నచ్చిన డిస్ట్రిబ్యూటర్‌ను ఎంపిక చేసుకుని, తమ గ్యాస్ సిలిండర్ బుక్ చేసుకోవచ్చని తెలిపారు.