యక్షన్ హీరో గోపీచంద్ ఇటీవల శ్రీవాస్ దర్శకత్వంలో తెరకెక్కిన రామబాణం సినిమా ద్వారా ఆడియన్స్ ముందుకి వచ్చారు. అయితే అది పెద్దగా సక్సెస్ కాలేదు. ఇక ప్రస్తుతం కన్నడ యువ దర్శకుడు ఏ హర్ష దర్శకత్వంలో నటిస్తున్న మాస్ యాక్షన్ ఎంటర్టైనర్ సినిమా భీమా.
అందరిలో మొదటి నుండి మంచి అంచనాలు కలిగిన ఈ సినిమా లో మాళవిక శర్మ, ప్రియా భవాని శంకర్ హీరోయిన్స్ గా నటిస్తుండగా కెజిఎఫ్ మూవీ ల సంగీత దర్శకడు రవి బస్రూర్ సంగీతం అందిస్తున్నారు. శ్రీ సత్యసాయి ఆర్ట్స్ బ్యానర్ పై భీమా సినిమా ని కేకే రాధామోహన్ ప్రతిష్టాత్మకంగా నిర్మిస్తున్నారు.
విషయం ఏమిటంటే, ఈ సినిమా యొక్క ఫస్ట్ లుక్ టీజర్ ని జనవరి 5 న మధ్యాహ్నం 1 గం. 11 ని. లకు రిలీజ్ చేయనున్నట్లు మేకర్స్ కొద్దిసేపటి క్రితం ఒక పోస్టర్ ద్వారా అఫీషియల్ గా అనౌన్స్ చేసారు. కాగా హీరో గోపీచంద్ పవర్ఫుల్ రోల్ పోషిస్తున్న ఈ మాస్ యాక్షన్ ఎంటర్టైనర్ త్వరలో ఆడియన్స్ ముందుకి రానుంది.
