వర్షాకాలంలో ఆరోగ్యంపై జాగ్ర‌త్త తీసుకోవడం చాలా అవసరం. ఈ సీజ‌న్‌లో జలుబు, ఫ్లూ వంటి వ్యాధుల బారిన ప‌డే అవకాశం ఎక్కువగా ఉంటుంది. అందుకే వర్షాకాలంలో ఇమ్యూనిటీని కాపాడుకోవాలి. ఇందుకోసం ఆరోగ్య‌క‌ర‌మైన ఆహారం తీసుకోవాలి. దీంతో పాటు మ‌నం రోజూ తినే ఆహారంలో వీటిని భాగం చేసుకోవ‌డం ద్వారా ఇమ్యూనిటీని పెంచుకుని రోగాల బారిన ప‌డ‌కుండా ఆరోగ్యంగా ఉండ‌వ‌చ్చు.మరోవైపు డెంగ్యూ, చికన్ గున్యా, మలేరియా, కలరా, టైఫాయిడ్, డయేరియా, వైరల్ ఫీవర్ వంటి ఎన్నో వ్యాధులు వర్షా కాలంలోనే ఎక్కువగా ప్రబలుతుంటాయి.
వీటితో పాటు జలుబు, దగ్గు, జ్వరం వంటి సాధారణ సమస్యలు కూడా ఇబ్బంది పెడుతుంటాయి. వీటిని నివారించేందుకు కొన్ని చిట్కాలు పాటించాలని వైద్య నిపుణులు చెబుతున్నారు.వర్షాకాలంలో ఆహారం ద్వారా వచ్చే వ్యాధుల సంఖ్య పెరుగుతుందని FSSAI చెబుతోంది. అందుకే ఈ కాలంలో ఆహారం విషయంలో జాగ్రత్తలు తీసుకోవాలని తెలిపింది. ప్రస్తుతం కరోనా కూడా ప్రబలుతున్నందువల్ల జాగ్రత్తలు తీసుకోవాల్సిన అవసరం ఉంటుందని అధికారులు సూచిస్తున్నారు. వర్షాకాలంలో ఆరోగ్యం పాడవకుండా ఉండేందుకు వారు కొన్ని చిట్కాలు చెబుతున్నారు. ఆ చిట్కాలేంటో ఈ ఆర్టికల్ ద్వారా తెలుసుకుందాం.
వంట చేయడానికి ముందు అన్ని రకాల ఆహారపదార్థాలను బాగా కడగాలి.మీ ఇల్లు, పరిసరాలను శుభ్రంగా ఉంచుకోవాలి.వంట చేయడానికి, తాగడానికి శుభ్రమైన నీటిని ఉపయోగించాల్సి ఉంటుంది. తాజా ఆహారాన్ని తీసుకోవడం మంచిది. మీకు అవసరం ఉన్నంత మాత్రమే వండుకోండి. ఒకవేళ ఆహారం మిగిలితే రిఫ్రిజిరేటర్‌లో పెట్టి ఉంచండి. దీని ద్వారా సూక్ష్మ జీవులు పెరగకుండా ఉంటాయి. ఆ తర్వాత వేడి చేసి తీసుకోండి. పాలు, పెరుగు వంటి పదార్థాలు ఫ్రిజ్ లో పెట్టడం మంచిది.
తాజా పదార్థాలు, కూరగాయలు మాత్రమే ఉపయోగించడం మంచిది. అల్లం, వెల్లుల్లి, జీలకర్ర, ధనియాలు, పసుపు, మిరియాలు వంటివి ఉపయోగించడం వల్ల రోగ నిరోధక శక్తి పెరుగుతుంది. వర్షాకాలంలో వచ్చే సమస్యల నుంచి మిమ్మల్ని మీరు కాపాడుకోవచ్చు.బొప్పాయి, లిచీ, యాపిల్‌, పియ‌ర్ వంటి సీజ‌న‌ల్ ఫ్రూట్స్ వర్షాకాలంలో ఆరోగ్యానికి మంచిది. ఇవి ఇమ్యూనిటీని పెంచుతాయి. అలాగే శరీరానికి అవ‌స‌ర‌మైన న్యూట్రీషియ‌న్ల‌ను అందిస్తాయి. సీజ‌న‌ల్ పండ్లను ప్ర‌తిరోజు తినడం వల్ల శరీరానికి కావాల్సిన విట‌మిన్లు, ఫైబ‌ర్‌, ఖ‌నిజాలు పుష్క‌లంగా ల‌భిస్తాయి. దీనివ‌ల్ల గ‌ట్ హెల్త్ అలాగే ఇమ్యూనిటీ పెరుగుతుంది.
జీవ‌క్రియ‌ను నియంత్రించ‌డంలో వెల్లుల్లి చ‌క్క‌గా స‌హాయ‌ప‌డుతుంది. మ‌నం తినే పప్పు, సాంబార్ ఇత‌ర కూరల్లో వెల్లుల్లిని వాడుకోవ‌చ్చు. వెల్లుల్లితో పాటు మిరియాలు, అల్లం, జీలకర్ర, కొత్తిమీర, పసుపు వంటి మ‌సాల దినుసుల‌ను రోజూ కూరల్లో వేసుకోవ‌డం మంచిది. సాధార‌ణంగా వర్షాకాలంలో వచ్చే జలుబు, ఇత‌ర‌త్రా ఫ్లూ వ్యాధుల నుంచి ఇవి ర‌క్ష‌ణ క‌ల్పిస్తాయి.చేదు గుణం క‌లిగిన కాక‌ర‌కాయ, మెంతి, వేప కూడా వర్షాకాలంలో రోగ నిరోధ‌క‌శ‌క్తిని పెంపొందించ‌డంలో స‌హాయ‌ప‌డుతాయి. అలాగే వర్షాకాలంలో వచ్చే వ్యాధుల నుంచి ర‌క్ష‌ణ క‌ల్పిస్తాయి. వీటిలో విట‌మిన్ ఏ, బీ, సీతో పాటు ఐర‌న్‌, జింక్ ఖ‌నిజాలు కూడా పుష్క‌లంగా ల‌భిస్తాయి. ముఖ్యంగా వేప‌లో యాంటీ ఫంగ‌ల్‌, యాంటీబ‌యాటిక్ లక్షణాలు ఉంటాయి. ఇవి వివిధ రకాల వ్యాధుల‌తో పోరాడ‌టానికి స‌హాయ‌ప‌డుతాయి.
పెరుగులో ప్రోబ‌యాటిక్స్ ఉంటాయి. ఇవి జీర్ణ‌క్రియ‌ను మెరుగుప‌రిచే గ‌ట్ బ్యాక్టీరియాను బ‌లంగా చేస్తుంది. అలాగే పేగుల ఆరోగ్యాన్ని కాపాడుతుంది.ఏకాలంలో అయినా స‌రే ప్రోటీన్లు అధికంగా ఉండే ఆహారం తీసుకోవాలి. ముఖ్యంగా వర్షాకాలంలో జ‌బ్బులు ప‌డే అవకాశం ఎక్కువగా ఉంటుంది కాబ‌ట్టి రోగ‌నిరోధ‌క శ‌క్తిని పెంపొందించే ఆహారం తీసుకోవడం చాలా ముఖ్యం. ఇలాంటి ఆహారంలో మొలకలు చాలా ముఖ్య‌మైన‌వి. జీర్ణ సంబంధిత సమస్యల నుంచి కాపాడ‌టంలో మొలకలు కీల‌క‌పాత్ర పోషిస్తాయి. అలాగే యాంటీఆక్సిడెంట్ల‌ను కూడా అందిస్తాయి. ఇవి శ‌రీరంలోని ఆక్సిజ‌న్ లెవ‌ల్స్‌ను పెంచ‌డం ద్వారా హానిక‌లిగించే వ్య‌ర్థాల‌ను తొల‌గిస్తుంది.
జీర్ణ‌క్రియ‌ను మెరుగుప‌ర‌చ‌డంతో పాటు శరీరానికి కావాల్సినంత శ‌క్తిని అందించ‌డంలో తేనే స‌హాయ‌ప‌డుతుంది. ఇందులో ఉండే పైటోన్యూట్రియెంట్లలో యాంటీఆక్సిడెంట్లు పుష్క‌లంగా ల‌బిస్తాయి. ఇవి క్యాన‌ర్ బారిన ప‌డే అవ‌కాశాన్ని తగ్గిస్తుంది.వర్షాకాలంలో నీటిని శుద్ధి చేసుకుని లేదా వేడి చేసుకుని తాగ‌డం మంచిది. శరీరానికి శ‌క్తిని ఇవ్వ‌డంతో పాటు మొటిమ‌లను త‌గ్గించుకోవ‌డంలో నీరు స‌హాయ‌ప‌డుతుంది. నిమ్మ, దోస‌కాయ, పుదీనా క‌లిపిన నీటిని తాగ‌డం ద్వారా కూడా శక్తి పెంచుకోవ‌చ్చు.
ఈ వర్షాకాలంలో ఎక్కువగా దొరికే పండ్లను తీసుకోవడం ఉత్తమం. వాటన్నింటిని ముక్కులుగా కట్ చేసి..అందులో కాస్త నిమ్మరసం కలిపి తీసుకోవడం వలన ఆరోగ్యంగా ఉండడమే కాకుండా.. శరీరానికి కావాల్సిన పోషకాలు అందుతాయి. ఆ తర్వాత మొక్కజొన్న కూడా ఆరోగ్యానికి మేలు చేస్తుంది. ఇందులో షుగర్ ఉండడం వలన బరువు తగ్గేందుకు సహాయపడదు. కానీ ఇది వర్షాకాలంలో ఎక్కువగా లభిస్తుంది. ఈ కాలంలో మొక్కజొన్నను తినడం వలన ఎన్నో లాభాలు ఉన్నాయి. వీటిని మసాలా దినుసులు, వెన్నతో కలిపి వేయించి తీసుకోవాలి.
వర్షాకాలంలో నిమ్మకాయ ఎక్కువగా వాడకూడదు. ఎందుకంటే నిమ్మకాయలో ఎక్కువ ఆమ్లం ఉంటుంది. ఇది చర్మం మీద దద్దుర్లు కలిగించే అవకాశం ఉంటుంది. పొడిచర్మం ఉన్నవారు నిమ్మకాయను అసలు వాడకూడదుబియ్యం పిండిలో చర్మాన్ని బిగించే లక్షణాలు ఉన్నాయి. అందువల్ల ఫేస్ మాస్కులలో ఎక్కువగా వాడుతూ ఉంటారు. పొడి చర్మం ఉన్నవారు అసలు బియ్యంపిండి వాడకూడదు. ఎందుకంటే బియ్యం పిండి చర్మంలో తేమను తగ్గిస్తుంది. దాంతో ముడతలు వస్తాయి
ఉదయం, సాయంత్రం చన్నీటితో ముఖాన్ని శుభ్రం చేసుకోవాలి. అలా చేస్తే ముఖంపై పేరుకుపోయిన జిడ్డు తొలగిపోతుంది.మామూలుగా రోజువారి ధరించే లోదుస్తులు వర్షాకాలంలో ధరించకూడదు. వర్షాకాలంలో లోదుస్తులు త్వరగా ఆరవు. ఉతికిన దుస్తులు ఎండటానికి కనీసం రెండు, మూడు రోజులు పడుతుంది. అలా రెండు, మూడు రోజులు బయట ఉన్నవాటిని ధరించడం వల్ల ఇన్ఫెక్షన్లు వచ్చే ప్రమాదం ఉంటుంది. పూర్తిగా ఎండకుండా.. తడిగా ఉన్న ఇన్నర్ వేర్స్ ధరించడం వల్ల బాక్టీరియా తయారై.. జననాంగాల్లో ఇన్ఫెక్షన్లు సంభవించే ప్రమాదం ఉంది.