టాలీవుడ్ నటుడు, ‘వినాయకుడు’ హీరో కృష్ణుడు అరెస్ట్ అయ్యాడు. పేకాట కేసులో ఆయన అరెస్ట్ అయినట్టు తెలుస్తోంది. హైదరాబాద్ మియపూర్ పోలీస్ స్టేషన్ పరిధి లోని శిల్పాపార్క్ విల్లా లో పేకాట ఆడుతున్నట్లు గుర్తించిన పోలీసులు నటుడు కృష్ణుడుతో పాటు ప్రధాన నిర్వాహకుడు పెద్ది రాజు సహా మొత్తం ఎనిమిది మందిని అరెస్ట్ చేశారు.
గుర్తు తెలియని వ్యక్తి ఇచ్చిన సమాచారం మేరకు.. మియపూర్ పోలీసులు చాలా పకడ్బందీగా ఎటాక్ చేసి ఈ ముఠాను అరెస్ట్ చేశారు. వారివద్ద నుండి లక్షా 97 వేల నగదును స్వాధీనం చేసుకున్నారు. 8 సెల్‌ ఫోన్లను సీజ్‌ చేశారు. టాలీవుడ్ ఎన్నో చిత్రాల్లో క్యారెక్టర్ ఆర్టిస్ట్ గా చేసిన కృష్ణుడు ‘వినాయకుడు’ , ‘విలేజ్‌లో వినాయకుడు’ సినిమాల్లో హీరోగా నటించాడు.