హీరో శ్రీకాంత్ తాజాగా చేయబోతున్న సినిమాకు మెగస్టార్ చిరంజీవి సినిమా టైటిల్‌ని వాడుకోబోతున్నాడు. 2019లో మార్షల్ సినిమాతో ప్రేక్షకుల ముందుకు వచ్చిన శ్రీకాంత్ ఇప్పుడు మరో థ్రిల్లింగ్ మూవీలో నటించబోతున్నాడు. అయితే ఈ సినిమాకు మెగాస్టార్ చిరంజీవి నటించిన ‘మరణ మృదంగం’ అనే టైటిల్‌నే పెట్టుకున్నట్టు శ్రీకాంత్ వెల్లడించారు.
అయితే తాజాగా ఈ సినిమా ప్రెస్ మీట్‌లో మాట్లాడిన శ్రీకాంత్ మల్టీ కలర్ ఫ్రేమ్స్ బ్యానర్‌పై ‘మరణ మృదంగం’ అనే సినిమా చేశానని, ప్రస్తుతం ఉన్న పరిస్థితులలో అన్నయ్య చిరు టైటిల్‌నే వాడుకున్ననని అన్నారు. చిరంజీవి గారు నటించిన ఈ సినిమాను చాలా సార్లు చూశానని, సినిమా కాన్సెప్ట్‌కు ఈ టైటిల్ సరిపోతుందని దర్శకుడు, నిర్మాత భావించి ఖరారు చేశారని అన్నారు. అయితే వెంకటేష్ అనే కొత్త దర్శకుడు ఈ సినిమాను తీశాడని కథ నాకు బాగా నచ్చడంతో ఓకే చేశానని మాఫియా, క్రైమ్, థ్రిల్లింగ్ అంశాలు అన్నీ ఈ సినిమాలో ఉన్నాయని ప్రేక్షకులకు ఈ సినిమా బాగా నచ్చుతుందని భావిస్తున్నానని అన్నారు.