అక్కినేని కుటుంబం నుంచి తెలుగు తెరకు పరిచయం అయిన హీరోల్లో సుశాంత్ కూడా ఒకరు.అయితే తాను తీసినవి తక్కువ సినిమాలే అయినా ఒక సినిమాకు తన తర్వాత సినిమాకు గ్యాప్ మాత్రం ఎక్కువే ఉంది.దీనితో సుశాంత్ సినిమాలకు తెలుగులో కాస్త డిమాండ్ తగ్గింది.కానీ తాను మొదటి సారిగా ఒక హీరోగా కాకుండా ఒక ప్రధాన పాత్రలో కనిపించిన చిత్రం “అల వైకుంఠపురములో”. ఈ చిత్రం ఒక్క అల్లు అర్జున్ కెరీర్ కే ప్లస్ పాయింట్ గా నిలవడం కాకుండా సినిమా మొత్తం అల్లు అర్జున్ తో సమానమైన పాత్రలో కనిపించిన సుశాంత్ కు కూడా అంతే ప్లస్ పాయింట్ అయ్యింది.
ప్రస్తుతం ఈ సినిమా యుఫొరియా సినీ వర్గాల్లో అలా కొనసాగుతూనే ఉంది.ఇదే టైం ఇప్పుడు సుశాంత్ కెరీర్ కు కీలకం అని చెప్పాలి.ఇప్పుడెలాగో ఈ సినిమా ద్వారా సుశాంత్ పేరు కూడా గట్టిగానే వినిపిస్తుంది.ఇదే సమయంలో తాను నటిస్తున్న లేటెస్ట్ చిత్రం “ఇచ్చట వాహనములు నిలుపరాదు” అనే ఆసక్తికర టైటిల్ తో పోస్టర్ ను విడుదల చెయ్యగా మంచి బజ్ తెచ్చుకున్నారు.ఇదే సమయంలో ఎప్పటికప్పుడు ఈ సినిమాకు సంబంధించిన అప్డేట్స్ ఇస్తూ ఈ “అల వైకుంఠపురములో” ఎఫెక్ట్ ఉన్నపుడే ఎంత త్వరగా వీలైతే అంత త్వరగా విడుదల చేసుకుంటే ఖచ్చితంగా తన కెరీర్ కు మంచి మలుపుగా ఇప్పుడు పరిస్థితి మారుతుంది.