దర్శకధీరుడు రాజమౌళి ఎంతో ప్రతిష్టాత్మకంగా తీస్తున్న చిత్రం ఆర్ఆర్ఆర్. ఈ చిత్రం కోసం ప్రేక్షకులు ఎపుడెపుడా అని ఎదురు చూసున్నారు. రామ్ చరణ్ అల్లూరి సీతారామరాజు పాత్రలో, ఎన్టీఆర్ కొమరం భీం పాత్రలో కనిపించనున్నారు. అజయ్ దేవగన్ ఈ చిత్రంలో చాల పవర్ ఫుల్ పాత్రలో కనిపించనునారు. అయితే ఈ చిత్రంలో ఇప్పటికే శ్రేయ, అలియా భట్, హాలీవుడ్ తారలు ఉండటం తో అంచనాలు ఇంకా పెరిగిపోయాయి. అయితే ఈ చిత్రానికి సంబంధించి రాజమౌళి ఒక కీలక నిర్ణయాన్ని తీసుకున్నారు.
ఆర్ ఆర్ ఆర్ చిత్రం లో వాయిస్ ఓవర్ కి గానూ టాలీవుడ్ సూపర్ స్టార్ మహేష్ బాబు ని రాజమౌళి సంప్రదించినట్లు సమాచారం. తెలుగులో బ్యాక్ గ్రౌండ్ వాయిస్ ఓవర్ కి చాల ప్రాధాన్యం ఉందని అర్ధం అవుతుంది. అలాగే ఏ చిత్రానికి హిందీలో వాయిస్ ఓవర్ ఇచ్చేందుకు బాలీవుడ్ మెగాస్టార్ అమితాబ్ ని సంప్రదించారట రాజమౌళి. అంతేకాకుండా, తమిళ్, మలయాళ, కన్నడ బాషలలో కూడా ఆయా సూపర్ స్టార్లతో వాయిస్ ఓవర్ కొరకు సంప్రదిస్తున్నట్లు సమాచారం. అయితే ఇంతగా హైప్ క్రియేట్ అవుతున్న ఈ చిత్రం జులై 31 న విడుదల అయ్యే అవకాశాలు లేనట్లు తెలుస్తుంది. చిత్రీకరణ పూర్తైన విజువల్ ఎఫెక్ట్స్ కోసం మరింత సమయం ఎదురు చూడాలి. మరి ఈ చిత్రాన్ని ప్రేక్షకుల ముందుకు ఎపుడు తీసుకువస్తారో చూడాలి.