ఈరోజు శివరాత్రి పర్వదినంతో లాస్ట్ ఇయర్ క్రేజీ బ్లాక్ బస్టర్ “ఇస్మార్ట్ శంకర్” చిత్రం మరోసారి తెలుగు రాష్ట్రాల్లో హాట్ టాపిక్ అవుతుంది.రామ్ హీరోగా పూరి తెరకెక్కించిన పక్కా మాస్ మసాలా చిత్రం అయినటువంటి ఈ సినిమాలో శివ తాండవ క్లైమాక్స్ బ్యాక్గ్రౌండ్ స్కోర్ వల్ల ఇప్పుడు ట్రెండ్ అవుతుంది అనుకుంటే మరో పక్క యూట్యూబ్ లో కూడా దుమ్ము దులిపేస్తుంది.ఇప్పటికే మొదటి రోజు రికార్డు స్థాయి వ్యూస్ ను రాబట్టుకున్న ఈ చిత్రం మూడు రోజుల్లోనే 45 మిలియన్ వ్యూస్ మార్కును కూడా అందుకుంది.
అయితే మన తెలుగు హీరోల తాలూకా చిత్రాలు డబ్ అయ్యి హిందీలో ప్రసారం అయ్యిన వాటిలో 1 మిలియన్ లైక్స్ అందుకున్న చిత్రాలు పెద్దగా లేవు.ఇటీవలే విజయ్ దేవరకొండ నటించిన “డియర్ కామ్రేడ్” హిందీ డబ్బుడ్ వెర్షన్ అతి తక్కువ కాలంలో ఈ ఫీట్ సాధించి రికార్డు కొట్టింది.కానీ ఇప్పుడు ఇస్మార్ట్ శంకర్ సినిమా స్పీడ్ చూస్తుంటే విజయ్ రికార్డు బద్దలయ్యిపోయేలా ఉంది అనిపిస్తుంది.విజయ్ కు రెండు వారల గడువు పట్టగా రామ్ కు కేవలం నాలుగు రోజుల్లోనే 8 లక్షలకు పైగా లైక్స్ వచ్చేసాయి.అంటే ఈ లెక్కన అతి త్వరలోనే విజయ్ సెట్ చేసిన రికార్డును రామ్ కొట్టెయ్యడం ఖాయమని చెప్పాలి.