కమల్ హాసన్, శంకర్ కాంబినేషన్లో తెరకెక్కిన ‘ఇండియన్ 2’ ప్రేక్షకుల అంచనాలను అందుకోలేకపోయిన సంగతి తెలిసిందే. భారీ అంచనాల మధ్య విడుదలైన ఈ సినిమా ఆశించిన స్థాయిలో విజయం సాధించకపోవడంతో, అప్పటికే ప్లాన్ చేసిన ‘ఇండియన్ 3’పై Indian 3 అనిశ్చితి నెలకొంది. దీంతో మూడో భాగం విడుదలపై కొంతకాలంగా ఎలాంటి స్పష్టత లేకుండా పోయింది.
అయితే ఇప్పుడు ‘ఇండియన్ 3’కు సంబంధించి మరోసారి ఆసక్తికరమైన చర్చ మొదలైంది. చెన్నై సినీ వర్గాల్లో వినిపిస్తున్న సమాచారం ప్రకారం, ఈ ప్రాజెక్ట్ను పూర్తిగా పక్కన పెట్టకుండా మిగిలిన పనులను తిరిగి ప్రారంభించేందుకు మేకర్స్ ఆలోచిస్తున్నట్లు తెలుస్తోంది. ముఖ్యంగా పోస్ట్ ప్రొడక్షన్కు సంబంధించిన పనులను వేగవంతం చేసి సినిమాను ప్రేక్షకుల ముందుకు తీసుకురావాలనే ప్రయత్నాలు జరుగుతున్నట్లు సమాచారం.
వాస్తవానికి ‘ఇండియన్ 2’ షూటింగ్తో పాటే ‘ఇండియన్ 3’లోని చాలా కీలకమైన సన్నివేశాలను కూడా చిత్రీకరించారు. దీంతో మూడో భాగం కోసం పూర్తిగా కొత్తగా షూటింగ్ నిర్వహించాల్సిన అవసరం పెద్దగా లేదని తెలుస్తోంది. ప్రస్తుతం కొంత ప్యాచ్ వర్క్, విజువల్ ఎఫెక్ట్స్, సీజీ పనులు మాత్రమే మిగిలి ఉన్నట్లు సమాచారం. ఈ పనులను పూర్తి చేసి సినిమాను విడుదలకు సిద్ధం చేయాలని మేకర్స్ భావిస్తున్నారట.
మరోవైపు దర్శకుడు శంకర్కు కూడా ‘ఇండియన్ 3’ ఎంతో కీలకంగా మారనుంది. భారీ ప్రాజెక్టులు వరుసగా చేపట్టిన ఆయనకు ఇటీవలి చిత్రాల ఫలితాలు ఆశించినంతగా కలిసిరాలేదు. ఈ నేపథ్యంలో కమల్ హాసన్తో తెరకెక్కిన ‘ఇండియన్’ ఫ్రాంచైజీలో మూడో భాగం ఎలాంటి ఫలితాన్ని అందుకుంటుందనేది ఆసక్తికరంగా మారింది.
అయితే ‘ఇండియన్ 3’ విడుదలపై ఇప్పటివరకు చిత్రబృందం నుంచి అధికారిక ప్రకటన రాలేదు. మేకర్స్ నిజంగానే పనులను పునఃప్రారంభిస్తారా? ఒకవేళ సినిమా పూర్తయితే ఎప్పుడు ప్రేక్షకుల ముందుకు తీసుకొస్తారు? అన్నది తెలియాల్సి ఉంది. త్వరలోనే ఈ ప్రాజెక్ట్పై అధికారిక క్లారిటీ వచ్చే అవకాశం ఉందనే ప్రచారం ప్రస్తుతం కోలీవుడ్లో జోరుగా సాగుతోంది.
