హాస్య మూవీస్‌ బ్యానర్‌పై అల్లరి నరేశ్‌ హీరోగా తెరకెక్కుతోన్న లేటెస్ట్ మూవీ బచ్చలమల్లి. కాగా దీనిని సుబ్బు తీస్తుండగా విశాల్ చంద్రశేఖర్ సంగీతం అందిస్తున్నారు. ప్రస్తుతం ఈ సినిమా వేగంగా షూటింగ్ జరుపుకుంటోంది. ఇక మరోవైపు నేడు ఆయన నెక్స్ట్ మూవీ అనౌన్స్ మెంట్ వచ్చింది. నరేష్ కెరీర్ 61వ మూవీగా రూపొందుతున్న దీనికి ఆ ఒక్కటి అడక్కు అనే టైటిల్ నిర్ణయించారు. ఇక కొద్దిసేపటి క్రితం మూవీ టైటిల్ గ్లింప్స్ ని అనౌన్స్ చేశారు.
తన చుట్టుప్రక్కల ఇళ్ల వాళ్ళు అందరూ పెళ్లి ఎప్పుడు అంటూ హీరోని అడుగుతుండడం, అయితే అది పాన్ ఇండియన్ ప్రాబ్లమ్ అని, ఆ ఒక్కటి అడక్కు అని అంటూ అతడు అందరికీ సమాధానం ఇవ్వడం వంటి డైలాగ్స్ తో టైటిల్ గ్లింప్స్ ఇంట్రెస్టింగ్ గా సాగింది. ఇక ఆ ఒక్కటి అడక్కు టైటిల్ తో గతంలో రాజేంద్రప్రసాద్ హీరోగా ఇవివి ఒక సినిమా తెరకెక్కించి మంచి సక్సెస్ అందుకున్నారు.
మరి ఇది ఎంతమేర సక్సెస్ అందుకుంటుందో చూడాలి. ఇక ఈ సినిమా ని అంకం మల్లి తెరకెక్కిస్తుండగా చిలకా ప్రొడక్షన్స్ బ్యానర్ పై రాజీవ్ చిలకా నిర్మిస్తున్నారు. ఇంకా ఈ సినిమా లో ఫరియా అబ్దుల్లా, అరియనా గ్లొరీ, వెన్నెల కిషోర్, హరితేజ, హర్ష చెముడు, జామీ లీవర్ తదితరులు నటిస్తున్నారు. గోపి సుందర్ సంగీతం అందిస్తున్న ఈ మూవీని మార్చి 22న గ్రాండ్ గా ఆడియన్స్ ముందుకి తీసుకురానున్నారు. త్వరలో ఈ మూవీ గురించిన అప్ డేట్స్ ఒక్కొక్కటిగా రానున్నాయి..
