యువ నటుడు శివ కార్తికేయన్ హీరోగా రకుల్ ప్రీత్ సింగ్ హీరోయిన్ గా తాజాగా తెరకెక్కిన సైన్స్ ఫిక్షన్ యాక్షన్ ఎంటర్టైనర్ సినిమా అయలాన్. ఇటీవల ఆడియన్స్ ముందుకి వచ్చిన ఈ సినిమా ని మంచి సక్సెస్ సొంతం చేసుకుంది. ఆర్ రవికుమార్ తెరకెక్కించిన ఈ సినిమా ని కోటపడి జె రాజేష్ గ్రాండ్ లెవెల్లో కెజెఆర్ స్టూడియోస్, ఫాంటమ్ ఎఫ్ ఎక్స్ స్టూడియోస్, ఆదిబ్రహ్మ ప్రొడక్షన్స్ సంస్థల పై నిర్మించారు. ఏ ఆర్ రహమాన్ సంగీతం అందించిన ఈ సినిమా లో ఇషా కొప్పీకర్, భానుప్రియ, యోగిబాబు శరద్ కేల్కర్ తదితరులు కీలక పాత్రలు చేశారు.
విషయం ఏమిటంటే, తాజాగా అయలాన్ ఓటిటి అఫీషియల్ రిలీజ్ డేట్ ను అనౌన్స్ చేసారు. ప్రముఖ ఓటిటి మాధ్యమం సన్ నెక్స్ట్ లో ఈ సినిమా ఫిబ్రవరి 9న ఆడియన్స్ ముందుకి రానుంది. అయితే ఈ సినిమా ని పక్కాగా ఏ ఏ భాషల్లో అందుబాటులోకి వస్తుంది అనే దానిపై క్లారిటీ రావాల్సి ఉన్నది . నిజానికి కొన్ని లీగల్ సమస్యల కారణంగా అయలాన్ తెలుగులో రిలీజ్ కాలేదనేది తెలిసింది. మరి థియేటర్స్ లో ఆకట్టుకున్న ఈ సినిమా ని ఓటిటి ఆడియన్స్ ని ఏ స్థాయిలో మెప్పిస్తుందో చూడాలి.
