ఐకాన్ స్టార్ అల్లు అర్జున్ (Allu Arjun) చివరిసారిగా పుష్ప ది రైజ్ సినిమా లో కనిపించారు. ప్రస్తుతం ఈ మూవీ కి సంబందించిన సీక్వెల్ పుష్ప 2 ది రూల్ లో నటిస్తున్నారు. సుకుమార్ దర్శకత్వంలో తెరకెక్కుతున్న ఈ మూవీ పై ప్రేక్షకుల్లో, అభిమానుల్లో భారీ అంచనాలు నెలకొన్నాయి. అయితే బన్నీ ప్రధాన పాత్రలో, టాలీవుడ్ స్టార్ డైరెక్టర్ త్రివిక్రమ్ శ్రీనివాస్ దర్శకత్వంలో తెరకెక్కిన అల వైకుంఠపురములో మూవీ దేశ వ్యాప్తంగా ఏ రేంజ్ క్రేజ్ ని సొంతం చేసుకుందో అందరికీ తెలిసిందే.
ఈ మూవీ బుల్లితెర పై క్రియేట్ చేసిన రికార్డు చాలా అరుదైనది. ఈ మూవీ అత్యధికం గా 29.4 టీఆర్పీ రేటింగ్ ని నమోదు చేసుకుంది. ఇది ఆల్ టైమ్ రికార్డు. ఈ మూవీ కి చేరువలో సరిలేరు నీకెవ్వరూ (23.5), బాహుబలి 2 (22.7), శ్రీమంతుడు (22.5), పుష్ప ది రైజ్ (22.5) లు నిలిచాయి. అయితే అల వైకుంఠపురములో క్రియేట్ చేసిన రికార్డు ని కొత్త మూవీ లు ఏవీ కూడా బ్రేక్ చేయలేక పోయాయి. ఈ రికార్డు ఇక ఇలానే మిగిలిపోతుందా, లేక వేరే ఏదైనా మూవీ ఈ రికార్డు ని బ్రేక్ చేస్తుందా అనేది ఇప్పుడు హాట్ టాపిక్ గా మారుతోంది.
