ముఖ్యమంత్రి జగన్ మోహన్ రెడ్డి కేబినెట్ మీటింగ్ లో కీలక నిర్ణయం తీసుకున్నారు. శాసన మండలి రద్దుకు ఆమోదం పొందారు. అయితే మరి కొద్దీ సేపట్లో ప్రారంభం కానున్న అసెంబ్లీ సమావేశంలో ఈ శాసన మండలి రద్దు కు సంబంధించిన బిల్లు ని ప్రవేశ పెట్టి ఆమోదించే అవకాశం వుంది. ఆ తర్వాత కేంద్రానికి పంపడం, ఈ బిల్లు అంశం ఫై ఆమోదించమని కోరడం. ముఖ్యమంత్రి జగన్ మోహన్ రెడ్డి ఈ నిర్ణయం తీసుకోవడానికి ముఖ్య కారణం గురువారం ప్రవేశ పెట్టిన అభివృద్ధి వికేంద్రీకరణ, సీఆర్డీఏ రద్దు బిల్లు లను శాసన మండలి సెలెక్ట్ కమిటీకి పంపడమే.
అయితే ముఖ్యమంత్రి జగన్ మోహన్ రెడ్డి ఈ నిర్ణయం తీసుకోవడానికి నెటిజన్లు రకరకాలుగా కామెంట్లు చేస్తున్నారు. జగన్ ప్రలోభాలకు టీడీపీ ఎమ్మెల్సీ లు లొంగని కారణంగా మండలిని జగన్ రద్దు చేయాలనీ భావించారు అంటూ విమర్శలు చేస్తున్నారు. ఈ అసెంబ్లీ సమావేశానికి టీడీపీ దూరం ఉండనుంది అని నిన్న జరిగిన టీడీఎల్పీ సమావేశంలో తెలిపింది. జగన్ తీసుకున్న ఈ నిర్ణయం ఫై అసెంబ్లీ లో ఎలా స్పందిస్తారనేది ఉత్కంఠ రేపుతోంది.