మెగాపవర్ స్టార్ రామ్ చరణ్ హీరోగా నటించిన తాజా పాన్ ఇండియా మూవీ ‘పెద్ది’ (Peddi) ఇప్పటికే మంచి హైప్తో ప్రేక్షకుల ముందుకు వచ్చింది. చాలా నెలల తర్వాత టాలీవుడ్ నుంచి పాన్ ఇండియా స్థాయిలో గమనించదగ్గ సినిమాగా ఇది నిలిచిందనే చెప్పాలి. మేకర్స్ కూడా మొదటి నుంచే ఆల్ ఇండియా మార్కెట్ను టార్గెట్ చేస్తూ ప్రమోషన్స్ నిర్వహించారు.
తెలుగు, కన్నడ భాషల్లో ఈ చిత్రానికి సాలిడ్ రెస్పాన్స్ లభిస్తోంది. దీంతో పాటు హిందీ వెర్షన్పై కూడా అభిమానుల్లో మంచి అంచనాలు నెలకొన్నాయి. ముఖ్యంగా నార్త్ మార్కెట్లో ‘పెద్ది’ ఎలా పెర్ఫామ్ చేస్తుందన్నది ఆసక్తికరంగా మారింది. బాలీవుడ్ ట్రేడ్ వర్గాల నుంచి ఈ సినిమాకు పాజిటివ్ రివ్యూస్ వస్తుండటం ప్లస్ పాయింట్గా చెప్పొచ్చు.
బుకింగ్స్ పరంగా చూస్తే హిందీ బెల్ట్లో ‘పెద్ది’ ఓ మోస్తరు ఓపెనింగ్తోనే స్టార్ట్ అయినట్లు సమాచారం. భోపాల్, ముంబై లాంటి కీలక నగరాల్లో గ్రాండ్ ఈవెంట్స్ నిర్వహించడంతో అక్కడ బుకింగ్స్ కూడా కనిపిస్తున్నాయి. అయితే ఇప్పుడు ఈ చిత్రానికి బలమైన మౌత్ టాక్ చాలా కీలకం.
తెలుగు రాష్ట్రాల్లో ఇప్పటికే పాజిటివ్ టాక్ నెలకొనగా, హిందీ వెర్షన్ ఇవాళే విడుదల కావడంతో మార్నింగ్ షోల నుంచే సినిమాకు ఎంతవరకు పుంజుకునే అవకాశం ఉంటుందో చూడాలి. నార్త్ ఆడియెన్స్ నుంచి స్ట్రాంగ్ వర్డ్ ఆఫ్ మౌత్ వస్తే ‘పెద్ది’ అక్కడ కూడా మంచి రన్ సాధించే ఛాన్స్ ఉందని ట్రేడ్ విశ్లేషకులు భావిస్తున్నారు.