కన్నడ స్టార్ హీరో యష్ నటిస్తున్న భారీ ప్రాజెక్ట్ ‘టాక్సిక్’ (Toxic) గురించి సోషల్ మీడియాలో ఇటీవల నెగటివ్ ప్రచారం ఊపందుకుంది. సినిమా అవుట్పుట్పై యష్ అసంతృప్తిగా ఉన్నాడని, అందుకే భారీ ఖర్చుతో రీషూట్స్కు ప్లాన్ చేస్తున్నారంటూ వార్తలు చక్కర్లు కొట్టాయి. అయితే ఈ రూమర్లలో ఏమాత్రం నిజం లేదని చిత్ర బృందం స్పష్టంగా ఖండించింది.
సినిమాకు సంబంధించిన పోస్ట్ ప్రొడక్షన్ పనులు ఇప్పటికే పూర్తయ్యాయని, ఫైనల్ కంటెంట్ రెడీగా ఉందని మేకర్స్ స్పష్టం చేశారు. రీషూట్ల మాటే లేదని చెబుతూ, అనవసర ప్రచారాలకు చెక్ పెట్టారు.
భారీ బడ్జెట్తో రూపొందుతున్న ఈ చిత్రానికి నాన్-థియేట్రికల్ డీల్స్ పూర్తైన వెంటనే కొత్త విడుదల తేదీని అధికారికంగా ప్రకటించనున్నారు. ఈ సినిమాను ఇంగ్లీష్లో కూడా ఒకేసారి రిలీజ్ చేయనుండటంతో, యష్ ప్రస్తుతం ఇంటర్నేషనల్ ప్రమోషన్స్లో బిజీగా ఉన్నాడు. అన్ని అనుకున్నట్టు సాగితే ఈ ఏడాది ఆగస్టులోనే ‘టాక్సిక్’ ప్రేక్షకుల ముందుకు వచ్చే అవకాశాలు ఉన్నాయని ఇండస్ట్రీ వర్గాలు తెలిపాయి.
యాక్షన్ ఎంటర్టైనర్గా తెరకెక్కుతున్న ఈ సినిమాకు గీతూ మోహన్ దాస్ దర్శకత్వం వహిస్తున్నారు. కియారా అద్వానీ, నయనతార, హ్యూమా ఖురేషీ, తారా సుతారియా, రుక్మిణి వసంత్ కీలక పాత్రల్లో నటిస్తున్నారు. కేవీఎన్ ప్రొడక్షన్స్ మరియు మాన్స్టర్ మైండ్ క్రియేషన్స్ కలిసి ఈ క్రేజీ ప్రాజెక్ట్ను నిర్మిస్తున్నాయి.