టాలీవుడ్ లో ఇప్పుడు జగపతిబాబు కెరీర్ బాగానే నడుస్తోంది. హీరోగా చేసిన సమయంలో అనేక ఎత్తుపల్లాలు చవిచూసిన ఆయనకి ఇప్పుడు విలన్ గా, క్యారక్టర్ ఆర్టిస్ట్ గా మంచి డిమాండ్ ఉంది. తాజాగా, ఓ టీవీ చానల్ ఇంటర్వ్యూలో తన జీవితంలో అత్యంత హీనదశ గురించి వివరించారు. 2008-09 నుంచి 2012 వరకు చీకటిరోజులుగా పేర్కొన్నారు. ఆ సమయంలో డబ్బు కోసం పరమచెత్త సినిమాలు కూడా చేశానని చెప్పాడు. నిర్మాతలు ఎంతిస్తే అంత తీసుకుని నటించానని గుర్తు చేసుకున్నారు. ఒకరకంగా మనసు చంపుకుని ఆ విధంగా చేయాల్సి వచ్చిందని జగపతి ఆవేదన వ్యక్తం చేశారు. కానీ అప్పటి పరిస్థితుల దృష్ట్యా ఆవిధంగా చేయకతప్పలేదని అన్నారు. ప్రతి ఒక్కరి జీవితంలో అలాంటి దుర్దశ ఉంటుందని చెప్పుకొచ్చాడు.