దర్శకుడు శంకర్ దర్శకత్వంలో ప్రస్తుతం మెగా పవర్ స్టార్ రామ్ చరణ్ హీరోగా “గేమ్ చేంజర్” మూవీ రాబోతున్న సంగతి తెలిసిందే. అయితే ఈ మూవీ తర్వాత రామ్ చరణ్ దర్శకుడు బుచ్చిబాబు సానాతో ఒక భారీ చిత్రం చేయబోతున్నాడు. ప్రస్తుతానికి ప్రీ ప్రొడక్షన్ పనుల్లో ఉన్న ఈ సినిమా అప్డేట్స్ కోసం ఫ్యాన్స్ ఆసక్తిగా ఎదురుచూస్తున్నారు. కాగా ఈ మూవీ లో ఒక స్పెషల్ సాంగ్ ఉందట. బాలీవుడ్ యంగ్ బ్యూటీ జాన్వీ కపూర్ తో ఈ ఐటమ్ సాంగ్ ని చేయిస్తే బాగుంటుందని మేకర్స్ ఫీల్ అవుతున్నారు. జాన్వీ కపూర్ ప్రస్తుతం ఎన్టీఆర్ దేవర మూవీ లో నటిస్తోంది.
అలాగే ఇక నుంచి వరుసగా తెలుగు మూవీ లు చేయాలని ప్లాన్ చేస్తోంది. ఈ నేపథ్యంలో జాన్వీ కపూర్ ఐటమ్ సాంగ్ చేయడానికి ఒప్పుకుంటుందా ? లేదా ? అనేది చూడాల్సిఉంది . ఏది ఏమైనా చరణ్ సరసన జాన్వీ కపూర్ గాని ఐటమ్ సాంగ్ చేస్తే అదిరిపోతుంది. కాగా ఈ భారీ మాస్ యాక్షన్ ఎంటర్టైనర్ సినిమా లో ఒక అతిథి పాత్ర ఉందని ఇప్పటికే వార్తలు వినిపించిన సంగతి తెలిసిందే. ఈ అతిథి పాత్రలో ఒక బాలీవుడ్ స్టార్ ను కూడా తీసుకుంటారని తెలుస్తుంది . ఐతే, ఆ బాలీవుడ్ స్టార్ ఎవరు అనేది తెలియాల్సి ఉంది. అలాగే ఆ మధ్య ఈ మూవీ లో విజయ్ సేతుపతి కూడా విలన్ గా నటిస్తున్నాడు అని ప్రచారం చేశారు. మరి ఈ వార్తలో ఎలాంటి నిజం ఉందో అనేది చూడాలి.
