తమిళ స్టార్ హీరో సూర్య నటించిన లేటెస్ట్ సినిమా ‘కంగువా’ అత్యంత భారీ అంచనాల మధ్య రిలీజ్ అయ్యింది. ఈ సినిమాని దర్శకుడు శివ ప్రెస్టీజియస్‌గా డైరెక్ట్ చేయగా, అత్యంత భారీ బడ్జెట్‌తో ఈ సినిమాని రూపొందించారు. అయితే, బాక్సాఫీస్ దగ్గర మాత్రం ‘కంగువా’ సినిమా అనుకున్న స్థాయిలో విజయాన్ని అందుకోలేకపోయింది.
ఈ సినిమా కథ ఆడియెన్స్‌కు పెద్దగా నచ్చకపోవడంతో ఈ సినిమా ఫ్లాప్‌గా నిలిచింది. ఈ సినిమా పై భారీ అంచనాలు పెట్టుకున్న సూర్య, ‘కంగువా’ రిజల్ట్‌తో ఖంగుతిన్నాడు. ఇక అభిమానులు సైతం ఈ మూవీ ని డిజాస్టర్ కావడంతో నిరాశకి లోనయ్యారు. అయితే, ఇప్పుడు ఈ మూవీ లో ఓటీటీ ఆడియెన్స్‌ని ఆకట్టుకునేందుకు వస్తోంది. ప్రముఖ ఓటీటీ ప్లాట్‌ఫామ్ అమెజాన్ ప్రైమ్ వీడియోలో ‘కంగువా’ సినిమా డిసెంబర్ 8 నుంచి స్ట్రీమింగ్ కానున్నది .
ఈ మేరకు తాజాగా అధికారిక ప్రకటన చేశారు. ఇక ఈ మూవీ లో బాలీవుడ్ నటుడు బాబీ డియోల్ విలన్ పాత్రలో నటించగా, దిశా పటాని హీరోయిన్‌గా నటించింది. ఈ మూవీ కి దేవిశ్రీ ప్రసాద్ సంగీతం అందించగా స్టూడియో గ్రీన్, యూవీ క్రియేషన్స్ బ్యానర్లు సంయుక్తంగా ప్రొడ్యూస్ చేశాయి. మరి కంగువా సినిమా ఓటీటీ ఆడియెన్స్‌ని ఎంతమేర ఆకట్టుకుంటుందో చూడాలి.
