తమిళ స్టార్ హీరో సూర్య నటించిన ప్రెస్టీజియస్ సినిమా ‘కంగువా’ నవంబర్ 14న ప్రపంచవ్యా్ప్తంగా భారీ స్థాయిలో రిలీజ్ అయ్యింది. ఈ మూవీ ని దర్శకుడు శివ డైరెక్ట్ చేయగా పూర్తి ఫాంటెసీ కథతో ఈ సినిమా రూపొందింది. ఇక ఈ మూవీ పై భారీ అంచనాలు నెలకొనడంతో ఈ మూవీ ని తొలిరోజే చూసేందుకు ప్రేక్షకులు ఏంటో ఆసక్తిని చూపారు.
దీంతో ఈ మూవీ కు తొలి రోజు వరల్డ్‌వైడ్‌గా రూ.58.62 కోట్ల గ్రాస్ వసూళ్లు వచ్చినట్లు మేకర్స్ తాజాగా వెల్లడించారు. సూర్య కెరీర్‌లో నే ఇది బెస్ట్ ఓపెనింగ్స్ అని అభిమానులు సంతోషం వ్యక్తం చేస్తున్నారు. ఇక ఈ మూవీ లో సూర్య రెండు వైవిధ్యమైన పాత్రల్లో సాలిడ్ పర్ఫార్మెన్స్ ఇచ్చారని ప్రేక్షకులు కామెంట్ కూడా చేస్తున్నారు. ఆయన పడ్డ కష్టానికి తగ్గ ఫలితం వస్తుందని అభిమానులు కూడా సంతోషాన్ని వ్యక్తం చేస్తున్నారు.
ఇక ఈ సినిమాలో బాబీ డియోల్, దిశా పటానీ, యోగి బాబు తదితరులు ఇతర ముఖ్య పాత్రల్లో నటించారు. దేవిశ్రీ ప్రసాద్ సంగీతం అందించిన ఈ సినిమాను కెఈ.జ్ఞానవేల్ రాజా భారీ బడ్జెట్‌తో ప్రొడ్యూస్ చేశారు.
