ఈ నెల 7వ తేదీ సోమవారం మధ్యాహ్నం 2 గంటలకు ముఖ్యమంత్రి కేసీఆర్ ప్రగతి భవన్‌లో ఉన్నత స్థాయి సమీక్ష నిర్వహించనున్నారు. వ్యవసాయ, ఆర్థికశాఖ అధికారులతో ఉన్నతస్థాయి సమావేశం ఏర్పాటు చేశారు. ఈ యేడాది రెండో విడత యాసంగి పంటకు రైతుబంధు సహాయం కోసం నిధుల విడుదల, పంపిణీపై సీఎం ఈ సమావేశంలో సమీక్షించి నిర్ణయం తీసుకోనున్నారు.
ఈ భేటీలో వ్యవసాయశాఖ మంత్రి, ప్రభుత్వ ప్రధాన కార్యదర్శి సోమేశ్‌ కుమార్‌, వ్యవసాయ, ఆర్థిక శాఖల ముఖ్య కార్యదర్శులు, ఇతర ఉన్నతాధికారులు పాల్గొంటారు. సమీక్ష అనంతరం రైతుబంధు సాయం కోసం నిధుల విడుదల, పంపిణీపై సీఎం కేసీఆర్ నిర్ణయం తీసుకోనే అవకాశం ఉంది.