సినీ హీరోయిన్ కీర్తి సురేశ్ పెళ్లిపీటలు ఎక్కబోతుంది . వచ్చే నెలలో ఆమె వైవాహిక బంధంలోకి అడుగుపెడుతోంది. గోవాలో వచ్చే నెలలో తన పెళ్లి జరగనుందని కీర్తి సురేశ్ వెల్లడించింది. తన కుటుంబ సభ్యులతో కలిసి కీర్తి సురేశ్ ఈరోజు తిరుమలలో శ్రీవేంకటేశ్వరస్వామి వారిని దర్శించుకుంది. దర్శనానంతరం రంగనాయకుల మండపంలో ఆమెకి పండితులు వేదాశీర్వచనం పలికి స్వామివారి తీర్థప్రసాదాలను అందజేశారు.
మరోవైపు, ఇటీవల కీర్తి సురేశ్ తన రిలేషన్ షిప్ గురించి ఆసక్తికర విషయాన్ని బయటపెట్టింది. తన స్నేహితుడు ఆంటోనీ ప్రేమలో ఉన్నానని… 15 ఏళ్ల తమ స్నేహబంధం ఇకపై జీవితాంతం వైవాహికబంధంగా కొనసాగనుందని చెప్పింది.
మూవీ ల విషయానికి వస్తే… బాలీవుడ్ సినిమా ‘బేబీ జాన్’లో ఆమె నటిస్తోంది. ఈ సినిమా ద్వారా ఆమె బాలీవుడ్ లోకి ఎంట్రీ ఇస్తోంది. ఈ మూవీ లో వరుణ్ ధావన్ హీరోగా నటిస్తున్నాడు.
