నటసింహం బాలయ్య – బోయపాటి శ్రీను కాంబినేషన్లో వచ్చిన ‘అఖండ’ అద్భుత విజయాన్ని సాధించింది. దీంతో, ‘అఖండ 2 – తాండవం’ పై భారీ అంచనాలు కూడా నెలకొన్నాయి. ఈ నేపథ్యంలో ఈ మూవీ రెగ్యులర్ షూట్ కోసం బోయపాటి ఏర్పాట్లు చేసుకుంటున్నారు. సంక్రాంతి తర్వాత జనవరి మూడో వారం నుంచి సినిమాలోని కీలకమైన యాక్షన్ సీక్వెన్స్ ని షూట్ చేయడానికి బోయపాటి సన్నాహాలు చేసుకుంటున్నారు. అయితే , ఈ షూట్ లో బాలయ్య జాయిన్ అవ్వరు అని తెలుస్తుంది . ఈ షెడ్యూల్ అనంతరం ఫిబ్రవరి రెండో వారంలో జరగబోయే షెడ్యూల్ ని పూర్తిగా బాలయ్య పై ప్లాన్ చేస్తున్నారని కూడా తెలుస్తోంది.
కాగా ప్రస్తుతం ఈ మూవీ లో నటించే నటీనటులని బోయపాటి ఎంపిక చేస్తున్నారు. మరోవైపు లొకేషన్స్ ని కూడా ఇప్పటికే బోయపాటి ఫైనల్ చేశాడు. ఇక ఈ మూవీ ని 14 రీల్స్ ప్లస్ బ్యానర్‌పై రామ్ ఆచంట, గోపీ ఆచంట ప్రొడ్యూస్ చేస్తున్నారు. థమన్ ఈ మూవీ కి సంగీతం అందిస్తున్నారు. బోయపాటి శ్రీను – బాలయ్య కాంబినేషన్‌ లో హ్యాట్రిక్ విజయాలు నమోదయ్యాయి. దీంతో ‘అఖండ 2 – తాండవం’ పై రెట్టింపు అంచనాలు ఉన్నాయి. ఆ అంచనాలకి తగ్గట్టుగానే బోయపాటి ఈ మూవీ పై జాగ్రత్తలు తీసుకుంటున్నారు.
